ವೈ.ಸಿ.ಯಸ್. ಗುರ್ಪುರ್ ಪಿಕ್ನಿಕ್

ಎಪ್ರಿಲ್ ಮಹಿನ್ಯಾಚಾ 24 ತಾರಿಕೆರ್ ಬ್ರೆಸ್ತಾರಾ ಸಕಾಳಿಂಚ್ಯಾ 7.00 ವರಾರ್ ವೈ.ಸಿ.ಯಸ್ ಭುರ್ಗ್ಯಾಂ ಸವೆಂ ಸಚೇತಕ್ ಶ್ರೀಮತಿ ಶಾಂತಿ ಕುವೆಲ್ಲೊ ಆನಿ ಧರ್ಮ್ ಭಯ್ಣ್ ಸಾಧನಾ ಇಗರ್ಜೆ ಲಾಗ್ಸಾರ್ ಥಾವ್ನ್ ಶ್ರೀ. ರೋಶನ್ ಡಿಕುನ್ಹಾ ಹಾಚ್ಯಾ ವಾಹನಾಚೆರ್ ಪಯ್ಣ್ ಪ್ರಾರಂಭ್ ಕೆಲೆಂ. ರೋಸಾ ಮಿಸ್ತಿಕಾ ಮರಿಯೆ ಮಾಯೆಚಾ ಗ್ರೊಟ್ಯಾ ಮುಖಾರ್ ಸಚೇತಕ್ ಶ್ರೀಮತಿ ಶಾಂತಿ ಕುವೆಲ್ಲೊನ್ ಮಾಗ್ಣೆಂ ಪ್ರಾರಂಭ್ ಕರ್ನ್ ಪಯ್ಣಾಚೆರ್ ದೆವಾಚೊ ಆಶೀರ್ವಾದ್ ಮಾಗ್ಲೊ. ಉಪ್ರಾಂತ್ ಕುಂದಾಪುರಾಕ್ ಪಯ್ಣ್ ಪ್ರಾರಂಭ್ ಕೆಲೆಂ. 9:30 ವರಾರ್ ಹೋಲಿ ರೋಜರಿ ಇಗರ್ಜ್, ಕುಂದಾಪುರ್ ಹಾಂಗಾಸರ್ ಗುರ್ಪುರ್ ಫಿರ್ಗಜೆಚೊ ಆದ್ಲೊ ವಿಗಾರ್ ಭೋವ್ ಮಾನಾಧಿಕ್ ಬಾಪ್ ಪಾವ್ಲ್ ರೇಗೊ ಹಾಚ್ಯಾ ಬರ್ರ್ಯಾ ಎವ್ಕಾರಾ ಸವೆಂ ಥಂಯ್ಸರ್ ಕಾಫಿ ಫಳ್ಹಾರ್ ಸೆವ್ನ್ ಥೊಡೊ ವೇಳ್ ಖರ್ಚುನ್, ಥಂಯ್ ಥಾವ್ನ್ ಯುವ ಮೆರಿಡಿಯನ್ ಅಮ್ಯೂಸ್‌ಮೆಂಟ್ ಪಾರ್ಕಾಕ್ 10:45 ವರಾರ್ ಪಾವ್ಲ್ಯಾಂವ್. ದನ್ಪಾರ್ ಮ್ಹಣಾಸರ್ ಡ್ರೈ ಗೇಮ್ ಖೆಳೊನ್ ಉಪ್ರಾಂತ್ ಬಿರಿಯಾನಿ ಕಬಾಬ್ ಜೆವಾಣ್ ಜೆವ್ಲ್ಯಾಂವ್. ಜೆವಾಣ್ ಜಾಲ್ಲೆಂಚ್ ಸಾಂಜ್ ಮ್ಹಣಾಸಾರ್ ಉದ್ಕಾಂತ್ ಖೆಳ್ ಖೆಳೊನ್, ಪರತ್ ವಾಹನಾಚೆರ್ ಪಾಟಿಂ ಯೆತಾನಾಂ ಸರ್ವಾನಿಂ ಕಾಫಿ ಫಳ್ಹಾರ್ ಸೆವ್ನ್ ದೇಡ್ ಘಂಟ್ಯಾಚೆಂ ಪಯ್ಣ್ ಸಂಪವ್ನ್ ಎಸ್ಟೇಟ್ ರೆಸ್ಟೋರೆಂಟ್ ಅಶ್ವಥ್ಪುರಕ್ ಜೆವಾಣ್ ಸೆವ್ನ್, ಹರ್ಯೆಕ್ಲ್ಯಾಕೀ ಪಿಕ್ನಿಕಾ ವಿಶ್ಯಾಂತ್ ಕಿತೆಂ ಬೊಗ್ಲೆಂ ಮ್ಹಣ್ ಎಕಾ ವಾಕ್ಯಾನ್ ಸಾಂಗೊಂವ್ಕ್ ಸಿ. ಸಾಧನಾನ್ ತಿಳ್ಸಿಲೆಂ. ಸರ್ವಾಂನಿ ಬರಿಂ ಅಭಿಪ್ರಾಯ್ ದಿಲಿ. ಧನ್ಯವಾದ್ ಸವೆಂ 9:00 ವರಾರ್ ವೈ.ಸಿ.ಯಸ್ ಸಾಂದ್ಯಾಂಕ್ ತಾಂಚ್ಯಾ ತಾಂಚ್ಯಾ ಘರಾ ಪಾವಂವ್ಚಿಂ ಜವಾಬ್ದಾರ್ ಸಚೇತಕ್ ಶಾಂತಿ ಕುವೆಲ್ಲೊನ್ ತಶೆಂಚ್ ವೈ.ಸಿ.ಯಸ್ ಅಧ್ಯಕ್ಷ್ ಪ್ರಮಿತಾನ್ ಕಾಣ್ಗೆಲಿ. ಸರ್ವಾನಿಂ ಹ್ಯಾ ದೀಸಾಚೊ ಪಿಕ್ನಿಕಾಚೊ ಸಂತೊಸ್ ಭೊಗ್ಲೊ.