ಪಿ.ವೈ.ಸಿ. ಪಿಕ್ನಿಕ್ – 2025

ಎಪ್ರಿಲ್ ಮಹಿನ್ಯಾಚಾ 27 ತಾರಿಕೆರ್ ಆಯ್ತಾರಾ ಸಕಾಳಿಂ 7.00 ವರಾರ್ ಪಿ.ವೈ.ಸಿ.ಚೆಂ 20 ಸಾಂದೆ ಸಾಂಗಾತಾ ಸಚೇತಕ್ ಶ್ರೀಮಾನ್ ಗೊಡ್ವಿನ್ ತಾವ್ರೊ ಸವೆಂ ಇಗರ್ಜೆ ಲಾಗ್ಸಾರ್ ಥಾವ್ನ್ ಮಿನಿ ಬಸ್ಸಾರ್ ಕುಂದಾಪುರ್ ಯುವ ಮೆರಿಡಿಯನ್ ಅಮ್ಯೂಸ್‌ಮೆಂಟ್ ಪಾರ್ಕಾಕ್ ಪಯ್ಣ್ ಪ್ರಾರಂಭ್ ಕೆಲೆಂ. ಸಚೇತಕ್ ಶ್ರೀಮಾನ್ ಗೊಡ್ವಿನ್ ತಾವ್ರೊ ಹಾಣಿಂ ಪಯ್ಣಾಚೆರ್ ದೆವಾಚೊ ಆಶೀರ್ವಾದ್ ಮಾಗ್ಲೊ. ವಾಟೆರ್ ಮದೆಂ ಹೊಟೆಲಾಂತ್ ಸಕಾಳಿಂಚೊ ಕಾಫಿ ಫಳ್ಹಾರ್ ಸೆವ್ನ್, ಉಪ್ರಾಂತ್ 09:45 ವೊರಾರ್ ಯುವ ಮೆರಿಡಿಯನ್ ಅಮ್ಯೂಸ್‌ಮೆಂಟ್ ಪಾರ್ಕಾಕ್ ಪಾವ್ಲ್ಯಾಂವ್. ಥಂಯ್ಸರ್ ಡ್ರೈಗೇಮ್ ಆನಿ ಉದ್ಕಾಂತ್ ಖೆಳೊನ್ ದನ್ಪಾರಾಂ ಬಿರಿಯಾನಿ ಜೆವಾಣ್ ಜೆವ್ಲ್ಯಾಂವ್. ಉಪ್ರಾಂತ್ ವೇವ್ ಪೂಲ್ ಆನಿ ಇತರ್ ಸ್ಲೈಡಾರ್ ಖೆಳೊನ್ ಸಾಂಜೆರ್ ಐಸ್‌ಕ್ರೀಮ್ ಆನಿ ಫಳ್ಹಾರ್ ಸೆವ್ನ್ 5.00 ವೊರಾರ್ ಪಾಟಿಂ ಭೈಸರ್ಲ್ಯಾಂವ್‌. ಬಸ್ಸಾರ್ ಪದಾಂ, ನಾಚ್ ಕರ್ನ್ ಸಂತೊಸ್ ಥೊಡ್ತೊ ಜಾವ್ನ್ ಸರ್ವಾಂನಿ ಪಿಕ್ನಿಕಾಚೊ ಆನಂದ್ ಭೊಗ್ಲೊ. ಅಧ್ಯಕ್ಷ್ ಲೆಸ್ಟರ್ ಮಿನೇಜಸ್ ಹಾಣೆಂ ಹಾಜರ್ ಜಾಲ್ಲ್ಯಾ ಸರ್ವಾಂಚೊ ಉಪ್ಕಾರ್ ಭಾವುಡ್ಲೊ. ಸಾಂಜೆರ್ 8.00 ವೊರಾರ್ ಇಗರ್ಜೆಲಾಗಿಂ ಪಾಟಿಂ ಪಾವ್ಲ್ಯಾಂವ್. ಸಗ್ಳೊ ದೀಸ್ ಸರ್ವಾಂಕ್ ಸಂತೊಸಾಚೊ ಜಾವ್ನ್ ಸರ್ವಾಂ ಘರಾ ಪಾವ್ಲ್ಯಾಂವ್.