ಸಾಂ. ವಿಶೆಂತ್ ಪಾವ್ಲ್ ಸಭಾ ಥಾವ್ನ್ ಅಸ್ತ್ರ್ಯಾಕ್ ಭೆಟ್

ಸಾಂ. ವಿಶೆಂತ್ ಪಾವ್ಲ್ ಸಭಾ ಸಮ್ಮೇಳನಾಚಿ ವೈಶಾಂತಿಕ್ ಭಾವ್ - ಭಯ್ಣಿಂ 6-4-2025 ವೆರ್ ಸಕಾಳಿಂಚೆ ಮೀಸ್ ಜಾವ್ನ್ ಜಮಾತ್ ಚಲಯ್ಲಿ. ಉಪ್ರಾಂತ್ ಸಕಾಳಿಂಚೊ ಕಾಫಿ ಫಳ್ಹಾರ್ ಸೆವ್ನ್,14 ವೈಶಾಂತಿಕ್ ಸಾಂದೆ ಆನಿ ಪಾಂಚ್ ವೈಶಾಂತಿಕ್ ಕುಟ್ಮಾಚಿಂ ಸಾಂದೆ ಆಶೆಂ 19 ಸಾಂದೆ ಮದರ್ ತೆರೆಸಾ ಹೋಮ್, ಮಂಗ್ಳುರ್ ಹ್ಯಾ ಅಸ್ತ್ರ್ಯಾಕ್ ಸಾಂಗಾತಾ ಮೆಳೊನ್ 11 ವರಾರ್ ಭೆಟ್ ಕೆಲಿ. ಸುಪಿರಿಯರ್ ಧರ್ಮ್ ಭಯ್ಣ್ ಯೇಸು ತೆರೆಸಾ ಹಿಣೆಂ ಆಮ್ಕಾಂ ಮೊಗಾನ್ ಯೆವ್ಕಾರ್ ಮಾಗ್ಲೊ. ಉಪ್ರಾಂತ್ ಥಂಯ್ಸರ್ ಆಸ್'ಲ್ಲ್ಯಾ ಸುಮಾರ್ 50 ಇನ್ ಮೇಟ್ಸ್ಂಚಿ ಸಾಂದ್ಯಾಚಿ ಭೆಟ್ ಕೆಲಿ. ಮತಿಚಿ ಊಣ್ ಆಸ್'ಲಿ, ಪಿಡೆಸ್ತ್ , ಸ್ತ್ರಿಯೊ ಥಂಯ್ಸರ್ ಆಸ್'ಲಿ. ತಾಂಕಾ ಭೆಟ್ತಾನಾ "ಆಮ್ಕಾ ಮೆಳ್‌ಲ್ಲ್ಯಾ ಕುರ್ಪೆಚ್ಯಾ ಬಳಾನ್ ಮರ್ಣಾಚ್ಯಾ ತಣಿರ್ ಆಸ್'ಲ್ಲ್ಯಾ ನಿರ್ಗತಿಕ್, ದುಬ್ಳ್ಯಾ ದಾಕ್ಟ್ಯಾಂಕ್, ಎಕ್ಸುರ್ಯಾಂಕ್ ಕಸಲಿಚ್ ಲಜ್ ಭೊಗಾನಾಸ್ತಾನಾ ಖಾಲ್ತೆಪಣಾನ್ ಆಪವ್ಡ್ಯಾ" ಮ್ಹಳ್ಳ್ಯಾ ಮದರ್ ತೆರೆಸಾಚ್ಯಾ ಉತ್ರಾಂ ಪರ್ಮಾಣೆ ಸಾತ್ ಧರ್ಮ್ ಭಯ್ಣಿ 13 ಕುಮೊಕ್ದಾರಾಂ ಸವೆಂ ಅಸಲಿ ತ್ಯಾ ಅಸ್ತ್ರ್ಯಾಂತ್ ಸೆವಾ ದೀವ್ನ್'ಚ್ ಆಸಾತ್ ಮ್ಹಣ್ ಆಮ್ಕಾಂ ಭೊಗ್ಲೆಂ. ಆಮಿಯೀ ಇನ್ ಮೇಟ್ಸಾಂ ಸಾಂಗಾತಾ ಥೊಡೊ ವೇಳ್ ಖರ್ಚುನ್ ತಾಂಚ್ಯಾ ಎಕ್ಸುರ್ಪಣಾನ್ ಸಾಂಗಾತ್ ದೀವ್ನ್ ತಾಂಚ್ಯಾ ಮುಖಮಳಾರ್ ಹಾಸೊ ಹಾಡುಂಕ್ ಸಕ್ಲ್ಯಾಂವ್. ಮಳ್ಳಿ ತೃಪ್ತಿ ಆಮ್ಕಾಂ ಆಸಾ ಹ್ಯಾ ಅಸ್ತ್ರ್ಯಾಕ್ ಆಮ್ಚೆ ಥಾವ್ನ್ ಆಧಾರ್ ಜಾವ್ನ್ ಆಮ್ಚ್ಯಾ ಸಾಂದ್ಯಾನಿ ಸಾಂಗಾತಾ ಮೆಳೊನ್ ಉದಾರ್ ಮನಾನ್ ದಿಲ್ಲಿ ಕಾಣಿಕ್ ತಾಂಕಾ ದಿಲಿ. ಆಶೆ ದನ್ಪಾರಾ ಜೆವ್ಣಾ ಸವೆಂ ತೊ ದೀಸ್ ಆಮಿ ಸಾಂಗಾತಾ ಸಂತೊಸಾನ್ ಖರ್ಚಿಲೊ.