ನಿಮಾಣೊ ಬ್ರೇಸ್ತಾರ್ - 2025

ಜೆಜುಚ್ಯಾ ನಿಮಾಣ್ಯಾ ಜೆವ್ಣಾಚೊ ಸಂಭ್ರಮ್, ಜೆಜುನ್ ಪವಿತ್ರ್ ಎವ್ಕರಿಸ್ತ್ ಘಡ್'ಲ್ಲೊ ದೀಸ್ ತಶೆಂಚ್ ಯಾಜಕಾಂಚೊ ದೀಸ್, ಹೊ ತಿದೊಡೊ ಸಂಭ್ರಮ್ ಮ್ಹಣ್ಜೆ ಭಾಗೆವಂತ್ ಹಫ್ತ್ಯಾಚೊ ನಿಮಾಣೊ ಬ್ರೇಸ್ತಾರ್ ವ್ಹಡಾ ಭಕ್ತಿಪಣಿ ಸಂಭ್ರಮ್ಲೊ. ಫಿರ್ಗಜ್ ವಿಗಾರ್ ಭೊ। ಮಾ। ರುಡೊಲ್ಫ್ ರವಿ ಡೆಸಾ ಬಾಪಾಂನಿ ಸೆವೆಚೊ ಉಪದೆಸ್ ಜಿಯೆಂವ್ಕ್, ಎವ್ಕರಿಸ್ತ್ ದೀಂವ್ ಆಮ್ಕಾಂ ಸಕತ್ ಮ್ಹಳ್ಳ್ಯಾ ಸಂದೇಶಾಖಾಲ್ ಪ್ರಧಾನ್ ಯಾಜಕ್ ಜಾವ್ನ್ ಪವಿತ್ರ್ ಎವ್ಕರಿಸ್ತಾಚೆಂ ಬಲಿದಾನ್ ಭೆಟಯ್ಲೆಂ. ದಿಯಾಕೊನ್ ವಿಕಾಸ್ ಪಿರೇರಾ ಬಾಪಾನಿ ದೆವಾಚೆ ಉತರ್ ಮೊಡುನ್ ಪರ್ನ್ಯಾ ತೆಸ್ತಾಮೆಂತಾಂತ್ಲ್ಯಾ ಆನಿ ನವ್ಯಾ ತೆಸ್ತಾಮೆಂತಾಂತ್ಲ್ಯಾ ಪಾಸ್ಕ್ ಜೆವ್ಣಾ ವಿಶಿಂ ತುಲಾನಾತ್ಮಕ್ ರಿತಿನ್ ಅರ್ಥಭರಿತ್ ಪ್ರಸಂಗ್ ದಿಲೊ. ಉಪ್ರಾಂತ್ ಸೊಮಿಯಾ ಜೆಜುನ್ ನಿಮಾಣ್ಯಾ ಜೆವ್ಣಾರ್ ಅಪೊಸ್ತಾಲಾಂಚೆ ಪಾಂಯ್ ಧುಂವ್ನ್ ನವೊ ಉಪದೆಸ್ ದಿಲ್ಲೆಂ ಘಡಿತ್ ಉಗ್ಡಾಸ್ ಕಾಡ್ನ್ ವಿಗಾರ್ ಬಾಪಾಂನಿ ಅಪೊಸ್ತಲ್ ಜಾಂವ್ನ್ ವಿಂಚುನ್ ಕಾಡ್'ಲ್ಲ್ಯಾ ಬಾರಾಂ ಜಣಾಂಚೆ ಪಾಂಯ್ ಧುಂವ್ಚೆ ಮಾರಿಫಾತ್ ನವೊ ಉಪದೆಸ್ ಪರ್ಗಟ್ಲೊ. ಮಾ। ಬಾ।ದೊ। ಪಿಯುಸ್ ಫಿಡೆಲಿಸ್ ಪಿಂಟೊ ಆನಿ ಮಾ। ಬಾ। ಜೋನ್ ಪೆರಿಸ್ ಹಾಣಿಂ ಸಹ ಭೆಟವ್ಣಿ ಕೆಲಿ. ಪವಿತ್ರ್ ಎವ್ಕರಿಸ್ತ್ ವಿಶೆವಾಚಾ ಆಲ್ತಾರಿರ್ ದವರ್ನ್ ಥೊಡೊ ವೇಳ್ ಆರಾಧನ್ ಕರ್ನ್ ಸೊಮಿಯಾ ಜೆಜು ಸಂಗಿ ಖರ್ಚಿಲೊ. ರೋಸಾ ಮಿಸ್ತಿಕಾ ಕೊವೆಂತಾಚ್ಯಾ ಧರ್ಮ್ ಭಯ್ಣಿಂನಿ ಆರಾಧನ್ ಚಲವ್ನ್ ವೆಲೆಂ. ಶೋನ್ ಫೆರ್ನಾಂಡಿಸ್ ಹಾಣಿಂ ತಸ್ವೀರ್ ಕಾಡ್ನ್ ಸಹಕಾರ್ ದಿಲೊ.