ಕೌಡೂರ್ "ಬಿ" ವಾಡ್ಯಾಚೆಂ ಫೆಸ್ತ್

"ಕಾರ್ಮೆಲ್ ಸಾಯ್ಭಿಣಿಕ್" ಸಮಾರ್ಪಿಲ್ಲ್ಯಾ ಕೌಡೂರ್ 'ಬಿ' ವಾಡ್ಯಾಚೆಂ ಫೆಸ್ತ್ ಮಾರ್ಚ್ ಮಹಿನಾಚ್ಯಾ 02 ತಾರಿಕೆರ್ ಸಕಾಳಿಂ 7.30 ವೊರಾಂಚ್ಯಾ ಅರ್ಗಾಂ ಬಲಿದಾನಾ ಸವೆಂ ಸುರ್ವಾತುನ್, ಸಾಂಜೆರ್ 5.00 ವೊರಾರ್ ಶ್ರೀಮಾನ್ ಅರ್ಥರ್ ಮಿನೇಜಸ್ ಹಾಂಚ್ಯಾ ಘರಾ ಭೋವ್ ಸಂಭ್ರಮಾನ್ ಆಚರಣ್ ಕೆಲೆಂ. ಹ್ಯಾ ಸಂಭ್ರಮಾಕ್ ಫಿರ್ಗಜ್ ವಿಗಾರ್ ಭೋ|ಮಾ|ಬಾ| ರುಡೋಲ್ಫ್ ರವಿ ಡೆಸಾ, ದಿಯಾಕೊನ್ ಬಾಪ್ ವಿಕಾಸ್ ಪಿರೇರಾ, ಫಿ.ಗೊ.ಪ. ಉಪಾಧ್ಯಕ್ಷ್ ಶ್ರೀಮಾನ್ ರೋಮನ್ಸ್ ಲೋಬೊ, ಕಾರ್ಯದರ್ಶಿ ಶ್ರೀಮಾನ್ ಜೋನ್ಸನ್ ಲೋಬೊ, ಗೊವ್ಳಿಕ್ ಯೆವ್ಜಣ್ 21 ಆಯೋಗಾಂಚಿ ಸಂಯೋಜಕಿ ಶ್ರೀಮತಿ ಹಿಲ್ಡಾ ಮಿನೇಜಸ್, ಲ್ಹಾನ್ ಕ್ರಿಸ್ತಾಂವ್ ಸಮುದಾಯ್ ಸಂಚಾಲಾಕಿ ಶ್ರೀಮತಿ ಡೆಲ್ಸಿ ರೊಡ್ರಿಗಸ್, ಪೊಂಪೈ ಕೊವೆಂತಾಚಿ ಧರ್ಮ್ ಭಯ್ಣ್ ಸುಪೀರಿಯರ್ ಜಯಾ ಆನಿ ರೋಸಾ ಮಿಸ್ತಿಕಾ ಕೊವೆಂತಾಚಿ ಧರ್ಮ್ ಭಯ್ಣ್ ನತಾಲಿಯಾ, ಸಿಸ್ಟರ್ ಮಾರ್ಸೆಲಿನ್ ಆನಿ ಆಟ್ ವಾಡ್ಯಾಚೆಂ ಗುರ್ಕಾರ್, ಆನಿ ವಾಡ್ಯಾಗಾರಾಂ, ಲ್ಹಾನಾಂ ತಶೆಂ ವ್ಹಡಾಂ ಅಶೆಂ 100 ಸಾಂದೆ ಹಾಜರ್ ಆಸ್ಲಿಂ. ಪಯ್ಲೆಂ ಪವಿತ್ರ್ ಪುಸ್ತಕ್ ಪುರ್ಶಾವಾರ್ ಹಾಡ್ನ್ ಮಾನಾಚ್ಯಾ ಜಾಗ್ಯಾರ್ ದವರ್ನ್ ಮಾನ್ ಕೆಲೊ. ಶ್ರೀಮತಿ ಮೇಬಲ್ ಅಂದ್ರಾದೆನ್ ವಾಡ್ಯಾಗಾರಾಂ ಸಾಂಗಾತಾ ಮಾಗ್ಣ್ಯಾವಿಧಿ ಚಲವ್ನ್ ವ್ಹೆಲಿ. ಉಪ್ರಾಂತ್ ಸ್ವಾಗತ್ ಗಿತಾಂ ದ್ವಾರಿ ವೆದಿ ಕಾರ್ಯೆಂ ಚಲವ್ನ್ ವ್ಹೆಲೆಂ. ವಾಡ್ಯಾಚಿ ಗುರ್ಕಾನ್ ಶ್ರೀಮತಿ ಗ್ರೇಟ್ಟಾ ಲೋಬೊನ್ ಮಾನಾಚ್ಯಾ ಸಯ್ರ್ಯಾಂಕ್ ಗುಲೊಬ್ ದೀವ್ನ್ ತಶೆಂಚ್ ಜಮ್ಲೆಲ್ಯಾ ಸರ್ವಾಂಕ್ ಸ್ವಾಗತ್ ಕೆಲೆಂ. ಉಪ್ರಾಂತ್ ದಿವೊ ಪೆಟವ್ನ್ ಫೆಸ್ತಾಚೆಂ ಉಗ್ತಾವಣ್ ಕೆಲೆಂ. ವಾಡ್ಯಾ ಕಾರ್ಯದರ್ಶಿ ಶ್ರೀಮತಿ ಮೋಲಿ ಲೋಬೊನ್ ಪಾಟ್ಲ್ಯಾ 2 ವರ್ಸಾಂ ಥಾವ್ನ್ ವಾಡ್ಯಾಂತ್ ತಶೆಂ ಫಿಗರ್ಜೆಂತ್ ಕೆಲ್ಲ್ಯಾ ಸೆವೆಂ ವಿಶಿಂ ಸವಿಸ್ತಾರ್ ರಿತಿನ್ ವರ್ದಿ ಸಭೆಕ್ ಕಳಯ್ಲಿ. ಶಿಕ್ಪಾ ಕ್ಷೇತ್ರಾಂತ್ ಸಾಧನ್ ಕೆಲ್ಯಾಂಕ್ ಮಾನ್, ಕಥೊಲಿಕ್ ಸಭೆನ್ ಮಾಂಡುನ್ ಹಾಡ್ಲ್ಯಾ ಭಾಷಣ್ ಸ್ಪರ್ಥ್ಯಾಂತ್ ವಿಜೇತ್ ಜಾಲ್ಲ್ಯಾ ವರ್ಲಿನ್ ಪಿಂಟೊಕ್ ಮಾನ್, ದಿಶಾ ರೊಡ್ರಿಗಸ್ ಥಾವ್ನ್ ಗೀತ್, ಪ್ರತಿನಿಧಿ ಶ್ರೀಮಾನ್ ಫ್ರೆಡ್ವಿನ್ ಡಿಸೋಜಕ್ ಸನ್ಮಾನ್, 60ವರ್ಸಾಂ ಆನಿ ವಯ್ಲ್ಯಾ ಪ್ರಾಯ್ವಂತಾಕ್ ಮಾನ್, ಆನಿ ಖೆಳಾ ಕ್ಷೇತ್ರಾನಿಂ ಸಾಧನ್ ಕೆಲ್ಲ್ಯಾಂಕ್ ಸನ್ಮಾನ್, ಶ್ರೀಮಾನ್ ಆರ್ಥರ್ ಮಿನೇಜಸಾಕ್ ಸನ್ಮಾನ್ ತಶೆಂಚ್ ಹ್ಯಾ ಮಹಿನ್ಯಾಂತ್ ಜಲ್ಮಾ ದೀಸ್ ಆಚರಣ್ ಕರ್ಚ್ಯಾ ವಾಡ್ಯಾಗಾರಾಂಕ್ ಗುಲೊಬ್ ದೀವ್ನ್ ಅಭಿನಂದನ್ ಪಾಟಯ್ಲೆಂ. ಲ್ಹಾನ್ ಕ್ರಿಸ್ತಾಂವ್ ಸಮುದಾಯ್ ಸಂಚಾಲಕಿ ಶ್ರೀಮತಿ ಡೆಲ್ಸಿ ರೊಡ್ರಿಗಸ್ ಆನಿ ಫಿ.ಗೊ.ಪ. ಉಪಾಧ್ಯಕ್ಷ್ ಶ್ರೀಮಾನ್ ರೋಮನ್ಸ್ ಲೋಬೊ ಹಾಂಚೆ ಥಾವ್ನ್ ವಾಡ್ಯಾಗಾರಾಂಕ್ ಉದ್ದೆಸುನ್ ಜೊಕ್ತೊ ಸಂದೇಶ್ ದಿಲೊ. ಉಪ್ರಾಂತ್ ವೆದಿಂ ಕಾರ್ಯೆಂ ಸಂಪವ್ನ್, ಭುರ್ಗ್ಯಾಂಚೊ ನಾಚ್, ವ್ಹಡಾಚೊ ನಾಚ್, ಏಡನ್ ಮಿನೇಜಸ್ ಥಾವ್ನ್ ಗೀತ್, ನಾಟ್ಕುಳೊ, ಖೆಳ್, ಸರ್ವ್ ಮನಾಂ ಧಾದೊಸಿ ಕರ್ಚೆಂ ಕಾರ್ಯೆಂ ವಾಡ್ಯಾಗಾರಾಂ ಥಾವ್ನ್ ಸಾಧರ್ ಜಾಲೆಂ. ಖೆಳಾಂತ್ ವಿಜೇಂತ್ ಜಾಲ್ಲ್ಯಾಂಕ್ ಅಭಿನಂದನ್ ಪಾಟವ್ನ್ ಭೊ|ಮಾI ವಿಗಾರ್ ಬಾಪಾಂನಿ ವಾಡ್ಯಾಂಕ್ ಉದ್ದೇಶಿಸುನ್ ಅರ್ಥಭರಿತ್ ಸಂದೇಶ್ ದಿಲೊ. ಸಗ್ಳೆಂ ಕಾರ್ಯೆಂ ಭೋವ್ ಬರ್ಯಾ ರಿತಿನ್ ಜಾಲೆಂ. ಪ್ರತಿನಿಧಿ ಶ್ರೀಮಾನ್ ಪ್ರೆಡ್ವಿನ್ ಡಿಸೋಜ ಹಾಣೆಂ ಸರ್ವಾಂಚೊ ಉಪ್ಕಾರ್ ಭಾವ್ಡುನ್ ಧನ್ಯವಾದ್ ಪಾಟಯ್ಲೆ. ಪೊಂಪೈ ಕೊವೆಂತಾಚಿ ಧರ್ಮ್ ಭಯ್ಣ್ ಸುಪೀರಿಯರ್ ಜಯಾ ಹಿಣೆಂ ಜೆವ್ಣಾಂಚೆರ್ ದೆವಾಚೊ ಆಶೀರ್ವಾದ್ ಮಾಗ್ಲೊಂ. ಸರ್ವಾಂನಿ ಸನ್ನಾಂ ಮಾಸಾಚೆ ಜೆವಾಣ್ ಸೆವ್ನ್ ವಾಡ್ಯಾ ಫೆಸ್ತಾಚೊ ಸಂಭ್ರಮ್ ದೊಡ್ತೊ ಕೆಲೊ. ಕುಮಾರಿ ಐಝಿಲ್ ರೊಡ್ರಿಗಸ್ ಹಿಣೆಂ ಕಾರ್ಯೆಂ ನಿರ್ವಾಹಣ್ ಭೋವ್ ಅಪುರ್ಬಾಯೆನ್ ಚಲವ್ನ್ ವ್ಹೆಲೆಂ. ಶ್ರೀಮಾನ್ ಅವಿನಾಶ್ ವಾಲ್ಡಾರ್ ತಸ್ವೀರ್ ಕಾಡ್ನ್ ಸಹಕರಿಸಿಲೆ. ಸರ್ವ್ ವಾಡ್ಯಾಗಾರಾಂನಿ ಸಾಂಗಾತಾ ಮೆಳೊನ್ ಭರ್ಪೂರ್ ಸಹಕಾರ್ ದೀವ್ನ್ ವಾಡ್ಯಾಚೊ ಏಕ್ವಟ್ ದಾಕೊವ್ನ್ ದಿಲೊ ಮಾತ್ರ್ ನ್ಹಯ್, ವಾಡ್ಯಾಚೆಂ ಫೆಸ್ತ್ ಭೋವ್ ಯಶಸ್ವೆನ್ ಆನಿ ಸಂತೊಸಾನ್ ಆಮ್ಚೆಂ ಕರ್ನ್ ಘೆತ್ಲೆಂ. ಗುರ್ಕಾರ್, ಪ್ರತಿನಿಧಿ, ಕಾರ್ಯದರ್ಶಿ, ವಾಡ್ಯಾ ಸಮಿತಿ ಆನಿ ಸರ್ವ್ ವಾಡ್ಯಾಗಾರಾ. ದೇವ್ ಬರೆಂ ಕರುಂ🙏🏻