ಸ್ತ್ರೀಯಾಂಚ್ಯಾ ಜುಬ್ಲೆವಾಚೊ ಸಂಭ್ರಮ್

ಮಾರ್ಚ್ ಮಹಿನಾಚ್ಯಾ 9 ತಾರಿಕೆರ್ ಆಯ್ತಾರಾ ಸಾಕಾಳಿಂ 7:30 ವರಾಂಚ್ಯಾ ಅರ್ಗಾಂ ಬಲಿದಾನಾ ಸವೆಂ ಸುರ್ವಾತ್ಲೆ. ಮಿಸಾಚಿ ಲಿತುರ್ಜಿ ಫಿರ್ಗಜೆಚ್ಯಾ ಸ್ತ್ರೀಯಾಂನಿಂ ಚಲೊವ್ನ್ ವೆಲಿ. ಮಿಸಾಚಾ ಉಪ್ರಾಂತ್ ಫಿಗರ್ಜೆಚ್ಯಾ ಶತಾಬ್ಧಿ ಸ್ಮಾರಕ್ ಭವನಾಂತ್ ಸ್ತ್ರೀಯಾಂಚಾ ಜುಬ್ಲೆವಾಚೆಂ ಕಾರ್ಯೆಂ ಮಾಂಡುನ್ ಹಾಡ್‌ಲ್ಲೆಂ. ಸರ್ವಾಂನಿ ಸಕಾಳಿಂಚೊ 'ಕಾಫಿ - ಫಳ್ಹಾರ್' ಸೆವ್ನ್, ಉಪ್ರಾಂತ್ ಕಾರ್ಯಾಚಿ ಸುರ್ವಾತ್ ಕೆಲಿ.

ಹ್ಯಾ ಕಾರ್ಯಾಕ್ ಅಧ್ಯಕ್ಷ್ ಜಾವ್ನ್ ಫಿರ್ಗಜ್ ವಿಗಾರ್ ಭೋ|ಮಾ|ಬಾ| ರುಡೋಲ್ಫ್ ರವಿ ಡೆಸಾ, ದಿಯಾಕೊನ್ ಬಾಪ್ ವಿಕಾಸ್ ಪಿರೇರಾ, ಸಂಪನ್ಮೂಲ್ ವ್ಯಕ್ತಿ ಮಾನೆಸ್ತಿಣ್ ಡಾ| ಜೂಡಿ ಪಿಂಟೊ (ಸೊಶಿಯಲ್ ಕೌನ್ಸಿಲರ್), ಫಿ.ಗೊ.ಪ. ಉಪಾಧ್ಯಕ್ಷ್ ಶ್ರೀಮಾನ್ ರೋಮನ್ಸ್ ಲೋಬೊ, ಫಿ.ಗೊ.ಪ. ಕಾರ್ಯಾದರ್ಶಿ ಶ್ರೀಮಾನ್ ಜೋನ್ಸನ್ ಲೋಬೊ, 21 ಆಯೋಗಾಂಚಿ ಸಂಯೋಜಕಿ ಶ್ರೀಮತಿ ಹಿಲ್ಡಾ ಮಿನೇಜಸ್, ಎಕ್ತಾರ್ ಆಯೋಗ್ ಪಂಗ್ಡಾಚಿ ಸಂಚಾಲಕಿ ಶ್ರೀಮತಿ ವೈಲೆಟ್ ಪೆರಿಸ್ ವೆದಿಚೆರ್ ಹಜಾರ್ ಆಸ್ಲಿಂ. ಯುವತಿಯಾನಿಂ ಪ್ರಾರ್ಥನ್ ಗೀತ್ ಗಾವ್ನ್ ಕಾರ್ಯಾಚೆಂ ಸುರ್ವಾತ್ ಕೆಲಿ. ಸ್ತ್ರೀ ಸಂಘಟನಾಚಿ ಅಧ್ಯಕ್ಷ್ ಶ್ರೀಮತಿ ಜೂಲಿಯೆಟ್ ಸೆರಾವೊ ಹಿಣೆಂ ಮಾನಾಚಾ ಸಯ್ರ್ಯಾಂಕ್ ಫುಲಾಂ ಝಡಾಂ ದೀವ್ನ್, ಆನಿ ಜಮ್ಲೆಲ್ಯಾ ಸರ್ವಾಂಕ್ ಆಪ್ಲ್ಯಾ ಮೊಗಾಳ್ ಉತ್ರಾಂನಿಂ ಸ್ವಾಗತ್ ಕೆಲೊ. ಫಿರ್ಗಜೆಚ್ಯಾ ದೊಗಾಂ ಮಾಲ್ಘಾಡ್ಯಾ ಸ್ತ್ರೀಯಾಂಕ್ - ಗುರ್ಪುರ್ ವಾಡ್ಯಾಚಿ ಮಾನೆಸ್ತಿಣ್ ತೆರೆಜಾ ಸಾಲ್ಡಾನ್ಹಾ ಆನಿ ಇಗರ್ಜೆ ವಾಡ್ಯಾಚಿ ಮಾನೆಸ್ತಿಣ್ ಮೇರಿ ಫೆರ್ನಾಂಡಿಸ್ ಹಾಂಕಾ ತಾಣಿಂ ಕೆಲ್ಲ್ಯಾ ಕಾಮಾಚೊ ಉಗ್ಡಾಸ್ ಕಾಡ್ನ್, ತಾಂಚೊ ಉಪ್ಕಾರ್ ಭಾವ್ಡುನ್ ತಾಂಕಾ ಸನ್ಮಾನ್ ಕೆಲೊ. ಹೆಂ ಕಾರ್ಯೆಂ ಶ್ರೀಮತಿ ವಿಜಯಾ ಡಿ'ಕೊಸ್ಟಾನ್ ಚಲೊವ್ನ್ ವೆಲೆಂ. ಅಧ್ಯಕ್ಷ್ ಸ್ಥಾನ್ ಘೆತ್'ಲ್ಲ್ಯಾ ವಿಗಾರ್ ಬಾಪಾನಿಂ ತಾಂಚ್ಯಾ ಸಂದೇಶಾಂತ್ ಸ್ತ್ರೀಯೊಂ ಭೋವ್ ಸಕ್ತಿವಂತ್ ಮ್ಹಣೊನ್ ತಾಂಚೆಂ ವಿಷ್ಯಾಂತ್ ಹೊಗ್ಳಿಕ್ ಉಚಾರ್ನ್ ಸರ್ವಾಂಕ್ ಉಲ್ಲಾಸುನ್ ಬರೆಂ ಮಾಗ್ಲೆಂ. ಕಾರ್ಯದರ್ಶಿ ಶ್ರೀಮತಿ ವಿಜಯಾ ಡಿ'ಕೋಸ್ಟಾನ್ ಸರ್ವಾಂಕ್ ಧನ್ಯವಾದ್ ದೀವ್ನ್ ವೆದಿ ಕಾರ್ಯೆಂ ಸಂಪಯ್ಲೆಂ. ಹೆಂ ಕಾರ್ಯಚೆಂ ಕಾರ್ಯೆಂ ನಿರ್ವಾಹಕ್ ಶ್ರೀಮತಿ ಗ್ರೆಟ್ಟಾ ನಜ್ರೆತನ್ ಭೋವ್ ಅರ್ಪುಬಾಯೆನ್ ಚಲವ್ನ್ ವೆಲೆಂ.

ಹ್ಯಾ ದಿಸಾಚಿ ಸಂಪನ್ಮೂಲ್ ವ್ಯಕ್ತಿ ಜಾವ್ನ್ ಹಾಜರ್ ಆಸ್‌ಲ್ಲಿ ಮಾನೆಸ್ತಿಣ್ ಡೊI ಜೂಡಿ ಪಿಂಟೊ ಹಿಣೆಂ ಮುಖ್ಲೆಂ ದೇಡ್ ವೊರ್ "ಕುಟ್ಮಾ ಸಂಬಂಧ್ ಆನಿ ಸಂವಾದ್" ಮ್ಹುಳ್ಯಾ ವಿಷಯಾಚೆರ್ ಭೋವ್ ಅರ್ಥಾಭರಿತ್ ಶಿಕೊವ್ಣ್ ದಿಲಿ. ಸರ್ವ್ ಸ್ತ್ರೀಯಾಂನಿಂ ಹಾಂತು ವ್ಹಡಾ ಉರ್ಬೆನ್ ಭಾಗ್ ಘೆತ್ಲೊ.

ಹ್ಯಾ ಕಾರ್ಯಾಕ್ ಪೊಂಪೈ ಆನಿ ರೋಸಾ ಮಿಸ್ತಿಕಾ ಕೊವೆಂತಾಚಿಂ ಧರ್ಮ್-ಭಯ್ಣಿ ಹಜಾರ್ ಆಸ್'ಲ್ಲಿ. ತಶೆಂಚ್ ಲಗ್ಭಗ್ 200 ಸ್ತ್ರೀಯಾಂನಿಂ ಹ್ಯಾ ಕಾರ್ಯಾಂತ್ ಭಾಗ್ ಘೆವ್ನ್ ಹಾಚೊ ಫಾಯ್ದೊ ಜೊಡ್ಲೊ. ದೊಗೀ ಸ್ತ್ರೀಯೊಂ ಹ್ಯಾ ದಿಸಾಚ್ಯೊ ಲಕ್ಕಿ ಸ್ಟಾರ್ ಮ್ಹಣ್ ವಿಂಚುನ್ ಆಯಿಲ್ಲ್ಯೊ ತಾಂಕಾ ವಿಗಾರ್ ಬಾಪಾನಿಂ ಆನಿ ಸಂಪನ್ಮೂಲ್ ವ್ಯಕ್ತಿನ್ ಇನಾಮಾಂ ದೀವ್ನ್ ಉಲ್ಲಾಸಿಲೆಂ. ಆಶೆಂ ಹೊ ದೀಸ್ ಆಮಿ ಸರ್ವಾಂನಿಂ ದೆವಾಕ್ ಅರ್ಗಾಂ ದೀವ್ನ್ ಎಕಾಮೆಕಾಚಾ ಸಾಂಗಾತ್ಪಣಾಂತ್ ವ್ಹಡಾ ಸಂತೊಸಾಂತ್ ಖರ್ಚಿಲೊ.

ಸರ್ವಾಂಕೀ ದೇವ್ ಬರೆಂ ಕರುಂ.