ಶತಮಾನೋತ್ಸವ್ ಯೋಜನ್ - ದುಸ್ರ್ಯಾ ನವ್ಯಾ ಘರಾಚೆಂ ಉದ್ಘಾಟನ್

ಪೊಂಪಯ್ ಮಾಯೆಚಿ ಫಿರ್ಗಜ್ ಗುರ್ಪುರ್ ಕೈಕಂಬ ಶತಮಾನೋತ್ಸವಾಚ್ಯಾ ಯೋಜನಾ ಬಾಬ್ತಿಂ ಆಸಾ ಕೆಲ್ಲ್ಯಾ ಕಂದಾರ್ ಎ ವಾಡ್ಯಾಚ್ಯಾ ಮಾನೆಸ್ತಿಣ್ ಲೂಸಿ ಡೆಸಾಚ್ಯಾ ಘರಾಚೆಂ ಉದ್ಘಾಟನ್ ಆನಿ ಆಶೀರ್ವಾಚನಾಚೆಂ ಕಾರ್ಯೆಂ ಆಯ್ತಾರಾ 06-04-2025 ವೆರ್ ಸಕಾಳಿಂಚ್ಯಾ ಮಿಸಾ ಉಪ್ರಾಂತ್ 9.15 ವರಾರ್ ಚಲ್ಲೆಂ. ಫಿರ್ಗಜ್ ವಿಗಾರ್ ಭೋ|ಮಾ|ಬಾ| ರುಡೋಲ್ಫ್‌ ರವಿ ಡೆಸಾ, ದಿಯಾಕೊನ್ ಬಾಪ್ ವಿಕಾಸ್ ಪಿರೇರಾ, ಫಿರ್ಗಜ್ ಗೊವ್ಳಿಕ್ ಪರಿಷದ್ ಶ್ರೀಮಾನ್ ರೋಮನ್ಸ್ ಲೋಬೊ, ಕಾರ್ಯದರ್ಶಿ ಶ್ರೀಮಾನ್ ಜೋನ್ಸನ್ ಲೋಬೊ, ಆಯೋಗಾಚಿಂ ಸಂಯೋಜಕಿ ಶ್ರೀಮತಿ ಹಿಲ್ಡಾ ಮಿನೇಜಸ್, ಫಿರ್ಗಜ್ ಗೊವ್ಳಿಕ್ ಪರಿಷದ್ ಸಾಂದೆ, ಪೊಂಪೈ ಕೊವೆಂತಾಚಿ ಧರ್ಮ್ ಭಯ್ಣ್ ಜಯಾ ಸವೆಂ ವಾಡ್ಯಾಗಾರಾಂ ಹಾಜರ್ ಆಸ್'ಲ್ಲಿ. ಮಾನೇಸ್ತ್ ಜೈಸನ್ ಸಿಕ್ವೇರಾನ್ ಜಮ್ಲೆಲ್ಯಾ ಸರ್ವಾಂಕ್ ಬರೊ ಎವ್ಕಾರ್ ಮಾಗ್ಲೊಂ. ವಿಗಾರ್ ಬಾಪಾ ಸಾಂಗಾತಾ ಘರ್ಚ್ಯಾಂನಿ ಪಿಂತ್ ಕಾತ್ರುನ್, ಚಾವಿ ಘಾಲ್ನ್ ಘರಾಚೆಂ ಉದ್ಘಾಟನ್ ಕರ್ನ್ ಫಿರ್ಗಜ್ ವಿಗಾರಾನ್ ಆನಿ ದಿಯಾಕೊನ್ ಬಾಪಾನಿಂ ಮಾಗ್ಣ್ಯಾವಿಧಿ ಮಾರಿಫಾತ್ ಘರಾಚೆಂ ಆಶೀರ್ವಾಚನ್ ಕೆಲೆಂ. ಫಿರ್ಗಜ್ ಗೊವ್ಳಿಕ್ ಪರಿಷದ್ ಉಪಾಧ್ಯಕ್ಷ್ ಮಾನೆಸ್ತ್ ರೋಮನ್ಸ್ ಲೋಬೊ ಹಾಣಿಂ ಹ್ಯಾ ಯೋಜನಾಚಿಂ ಮಟ್ವಿ ಝಳಕ್ ದವರ್ಲಿ. ಉಪ್ರಾಂತ್ ವಿಗಾರ್ ಬಾಪಾನಿಂ ಘರ್ಚ್ಯಾಂಕ್ ಆನಿ ಆರ್ಥಿಕ್ ರಿತಿನ್ ಕುಮೊಕ್ ಕೆಲ್ಲ್ಯಾ ತಶೆಂಚ್ ಹ್ಯಾ ಬಾಂದ್ಪಾಚೆಂ ಕಂತ್ರಾಟ್‌ದಾರ್ ಇಂಜಿನಿಯರ್ ಕಾಮ್ ನಿರ್ವಾಹಣ್ ಕೆಲ್ಲ್ಯಾ ಮಾನೇಸ್ತ್ ಲ್ಯಾನ್ಸಿ ಡಿಕುನ್ಹಾ ಹಾಂಕಾ ಸರ್ವಾಂಕ್ ಉಲ್ಲಾಸ್ ಪಾಟವ್ನ್ ಸರ್ವ್ ಬರೆಂ ಮಾಗ್ಲೆಂ. ಘರ್ಚ್ಯಾಂನಿ ತಯಾರ್ ಕೆಲ್ಲ್ಯಾ ಕಾಫಿ - ಫಳಾರ್ ಸೆವ್ನ್, ಕು.ಲೋಲಿಟ ಸೆರಾವೊನ್ ಸರ್ವಾಂಕ್ ಧನ್ಯವಾದ್ ಪಾಟಯ್ಲೆಂ. ಶ್ರೀಮಾನ್ ಜೈಸನ್ ಸಿಕ್ವೇರಾನ್ ಕಾರ್ಯೆಂ ನಿರ್ವಾಹಣ್ ಕೆಲೆಂ.