ಫಿರ್ಗಜೆಂತ್ಲ್ಯಾ ಪಿಡೆಸ್ತಾಂಚಿ ಭೆಟ್

ಫೆಬ್ರೆರ್ ಮಹಿನ್ಯಾಚಾ 11 ತಾರಿಕೆರ್ ಲೂರ್ಡ್ಸ್ ಸಾಯ್ಭಿಣೆಚ್ಯಾ ಫೆಸ್ತಾ ದಿಸಾ ಆನಿ ಜಾಗಾತಿಕ್ ಪಿಡೆಸ್ತಾಂಚ್ಯಾ ದಿಸಾ ಸೆವಾ ಆಯೋಗ್ ಪಂಗ್ಡಾಚ್ಯಾ ಸಹಯೋಗಾನ್ ಭಲಾಯ್ಕೆ ಆಯೋಗಾ ತರ್ಫೆನ್ ಜೆಜುಚ್ಯಾ ಜಲ್ಮಾಚ್ಯಾ ಜುಬ್ಲೆವ್ ವರ್ಸಾಂ ಫಿರ್ಗಜೆಂತ್ಲ್ಯಾ ಪಿಡೆಸ್ತಾಂಚಿ ಭೆಟ್ ಆಸಾ ಕೆಲ್ಲಿ. ಸಂಚಾಲಕಿ ಸಿ.ಡೊ. ಸಾಧನಾ, ಭಲಾಯ್ಕೆ ಆಯೋಗ್ ಕಾರ್ಯದರ್ಶಿ ಶ್ರೀಮತಿ ವಿಲ್ಮಾ ಕ್ರಾಸ್ತಾ, ಶಿಕ್ಪಾ ಆಯೋಗ್ ಕಾರ್ಯದರ್ಶಿ ಶ್ರೀಮತಿ ಗ್ರೆಟ್ಟಾ ಲೋಬೊ, ಥಳಾಂತಾರ್'ಕಾರಾಂಚೊ ಆಯೋಗ್ ಕಾರ್ಯದರ್ಶಿ ಸಿ. ಲೀನಾ ಪಿರೇರಾ, ವಾವ್ರಾಡ್ಯಾಂಚೊ ಆಯೋಗ್ ಕಾರ್ಯದರ್ಶಿ ಶ್ರೀಮತಿ ಲವೀನಾ ರೊಸಾರಿಯೊ, ವಿಶೇಸ್ ಸಕ್ತೆಂ ವ್ಯಕ್ತಿಂಚ್ಯಾ ಆಪಸ್ತಾಲಾದಿಚೊ ಆಯೋಗ್ ಕಾರ್ಯದರ್ಶಿ ಶ್ರೀಮಾನ್ ಮೆಲ್ವಿನ್ ಸಲ್ಡಾನ್ಹಾ ಆನಿ ಆಯೋಗ್ ಸಾಂದೆ, ಫಿ.ಗೊ.ಪ. ಉಪಾಧ್ಯಕ್ಷ್ ಮಾನೆಸ್ತ್ ರೋಮನ್ಸ್ ಲೋಬೊ, ಏಕ್ವೀಸ್ ಆಯೋಗಾಂಚಿ ಸಂಯೋಜಕಿ ಶ್ರೀಮತಿ ಹಿಲ್ಡಾ ಮಿನೇಜಸ್ ಆನಿ ವಾಡ್ಯಾಚೆ ಗುರ್ಕಾರ್, ಪ್ರತಿನಿಧಿ, ವಾಡ್ಯಾ ಸಮಿತಿ ಸಾಂದೆ ಆಶೆಂ ಚ್ಯಾರ್ ಪಂಗ್ಡಾಂನಿ ಸಾಂಗಾತಾ ಮೆಳೊನ್ ಆಮ್ಚ್ಯಾ ಫಿರ್ಗಜೆಂತ್ಲ್ಯಾ 30 ಪಿಡೆಸ್ತಾಂಚಿ ಭೆಟ್ ಕೆಲಿ. ಸುರ್ವೆರ್ ಪವಿತ್ರ್ ಅತ್ಮ್ಯಾಚ್ಯಾ ಗಿತಾ ಸವೆಂ ಪವಿತ್ರ್ ಅತ್ಮ್ಯಾಚಿ ಸಸಾಯ್ ಮಾಗೊನ್ ಮಾಗ್ಣ್ಯಾ ವಿಧಿ ಆರಂಭ್ ಕರ್ನ್ ಪಿಡೆಸ್ತಾಂ ವಯ್ರ್ ದೆವಾಚೊ ಆಧಾರ್ ಮಾಗ್ಲೊ. ಪೊಂಪೈ ಮಾಯೆಚ್ಯಾ ಗೀತಾ ಸವೆಂ ಮಾಗ್ಣ್ಯಾವಿಧಿ ಸಂಪೈಲಿ.

ಉಪ್ರಾಂತ್ ತಾಂಚೆ ಸಾಂಗಾತಾ ಥೊಡೊ ವೇಳ್ ಖರ್ಚುನ್ ಕಾಣಿಕ್ ದೀವ್ನ್ ಪಿಡೆಸ್ತಾಂಚೊ ದೀಸ್ (ಜುಬ್ಲೆವ್ - 2025) ಭೋವ್ ಅರ್ಥಾಭರಿತ್ ರಿತಿನ್ ಆಚರಣ್ ಕೆಲೊ‌. ಆಯೋಗ್‌ ಸಂಯೋಜಕಿ, ಸಂಚಲಾಕಿ, ಕಾರ್ಯದರ್ಶಿ ಆನಿ ಸಾಂದೆ, ವಾಡ್ಯಾಚೆ ಗುರ್ಕಾರ್ ಆನಿ ಪ್ರತಿನಿಧಿಂಚ್ಯಾ ಸಹಕರನ್ ಜಾಗತಿಕ್ ಪಿಡೆಸ್ತಾಂಚೊ ದೀಸ್‌ ಪಿಡೆಸ್ತಾಂ ಸಾಂಗಾತಾ ಸಂತೊಸಾನ್ ಸಂಭ್ರಮ್ಲೊ.