'ಲಾವ್ದಾತೊ ಸಿ' ಆಯ್ತಾರ್ ಆಚರಣ್ ಜುಬ್ಲೆವ್ - 2025
ಸಾಕ್ಸ್ ಆಯೋಗ್ ಪಂಗಡ್ ಆನಿ ಕಥೊಲಿಕ್ ಸಭಾ ಗುರ್ಪುರ್ ಘಟಕ್ ಹಾಂಚ್ಯಾ ಸಹಯೋಗಾನ್ ಪರಿಸರ್ ಆಯೋಗ್ ಜುಲೈ ಮಹಿನಾಚ್ಯಾ 06 ತಾರಿಕೆರ್ ಆಯ್ತಾರಾ ಸಕಾಳಿಂ 7.30 ವೊರಾಚ್ಯಾ ಮಿಸಾಚಾ ಬಲಿದಾನಾ ಸವೆಂ ಆಮ್ಚ್ಯಾ ಫಿರ್ಗಜೆಂತ್ 'ಲಾವ್ದಾತೊ ಸಿ' ಆಯ್ತಾರ್ ಆಚರಣ್ ಸುರ್ವಾತ್ಲೊ. ಫಿರ್ಗಜ್ ವಿಗಾರ್ ಭೊ| ಮಾ| ಬಾ| ರುಡೋಲ್ಫ್ ರವಿ ಡೆಸಾ ಬಾಪಾಂನಿ ಪವಿತ್ರ್ ಮಿಸಾಚೆ ಬಲಿದಾನ್ ಭೆಟವ್ನ್ ಭೋವ್ ಅರ್ಥಾಭರಿತ್ ರಿತಿನ್ ದೆವಾಚೆ ಉತ್ರಾ ವಯ್ರ್ ಪ್ರಸಂಗ್ ದಿಲೆಂ. ಸಾಕ್ಸ್ ಆಯೋಗ್ ಪಂಗ್ಡಾಚಾ ಸಾಂದ್ಯಾನಿ ಲಿತುರ್ಜಿ ಚಲವ್ನ್ ವ್ಹೆಲಿ.
ಉಪ್ರಾಂತ್ ಇಗರ್ಜೆಚ್ಯಾ ಉಗ್ತ್ಯಾ ಮೈದಾನಾರ್ ಫಿರ್ಗಜ್ಗಾರಾಂಕ್ ಧರ್ಮಾರ್ಥ್ ಝಡಾಂ ವಿತರಣ್ ಕರ್ಚೆಂ ಕಾರ್ಯಕ್ರಮ್ ಆನಿ 'ಲಾವ್ದಾತೊ ಸಿ' ಝಡ್ ಲಾಂವ್ಚೆ ಕಾರ್ಯೆಂ ಆಸಾ ಕೆಲ್ಲೆಂ. ಹ್ಯಾ ಕಾರ್ಯಕ್ರಮಾಕ್ ಫಿರ್ಗಜ್ ವಿಗಾರ್ ಭೊ. ಮಾ. ಬಾ. ರುಡೋಲ್ಫ್ ರವಿ ಡೆಸಾ, ಫಿ.ಗೊ.ಪ. ಉಪಾಧ್ಯಕ್ಷ್ ಶ್ರೀಮಾನ್ ರೋಮನ್ಸ್ ಲೋಬೊ, ಕಾರ್ಯದರ್ಶಿ ಶ್ರೀಮಾನ್ ಜೊನ್ಸನ್ ಲೋಬೊ, ಆಯೋಗಾಂಚಿ ಸಂಯೋಜಕಿ ಶ್ರೀಮತಿ ಹಿಲ್ಡಾ ಮಿನೇಜಸ್, ಸಾಕ್ಸ್ ಆಯೋಗ್ ಪಂಗ್ಡಾಚೊ ಸಂಚಲಾಕ್ ಆನಿ ಕಥೊಲಿಕ್ ಸಭೆಚೊ ಅಧ್ಯಕ್ಷ್ ಶ್ರೀಮಾನ್ ಗ್ಲೇನ್ ರೋಶನ್ ಡಿಕುನ್ಹಾ ಕಾರ್ಯದರ್ಶಿ ಶ್ರೀಮಾನ್ ಮೆಲ್ವಿನ್ ಡಿಸೋಜ, ಪಾಂಚ್ ಆಯೋಗಾಂಚಿ ಕಾರ್ಯದರ್ಶಿ, ಆಯೋಗಾಚೆ ಸಾಂದೆ ಆಶೆಂ ಲಗ್ಬಕ್ 250 ಫಿರ್ಗಜ್'ಗಾರ್ ಹಾಜರ್ ಆಸ್ಲಿಂ. ಸಂಚಾಲಾಕ್/ಅಧ್ಯಕ್ಷನ್ ಜಮ್ಲೆಲ್ಯಾ ಸರ್ವಾಂಕ್ ಬರೊ ಯೆವ್ಕಾರ್ ಮಾಗ್ಲೊ. ವಿಗಾರ್ ಬಾಪಾಂನಿ ಪರಿಸರ್ ರಾಕ್ವಣ್ ಆಮ್ಚೆಂ ಹರ್ಯೇಕ್ಲ್ಯಾಂಚೆ ಜವಾಬ್ದಾರಿ ಆನಿ ಪ್ರಕೃತಿ ಆಮ್ಚಿ ಆವಯ್ ಆಸ್ಲ್ಯಾ ಪರಿಂ, ಪರಿಸರ್ ಶೋಷಿತ್ ಕರಿನಾಸ್ತಾನಾಂ ಪರಿಸರಾಚೊ ಆಮಿ ಮೋಗ್ ಕರ್ನ್ ಪೋಸ್ ಕರಿಜೈ. ಆಮ್ಚ್ಯಾ ಘರಾಂತ್ ಪ್ಲಾಸ್ಟಿಕ್ ಉಪಯೋಗ್ ಕರಿನಾಸ್ತಾನಾ ಪ್ಲಾಸ್ಟಿಕ್ ಆಮ್ಚ್ಯಾ ಘರಾಂತ್ ಹಾಡಿನಾಸ್ತಾಂ ಎಕ್ ಪೋತೆಂ ಉಪಯೋಗ್ ಕರ್ನ್ ರಾಂವೊಕ್ ಪ್ರಯತ್ನ್ ಕರ್ನ್, ಪ್ಲಾಸ್ಟಿಕ್ ಹುಲ್ಪಾಯಿಲ್ಲ್ಯಾ ಧುವೊರಾ ವರ್ವಿಂ ಕ್ಯಾನ್ಸರ್ ತಸಲಿ ಮಾರೆಕಾರ್ ಪಿಡಾ ಯೆತಾ. ತ್ಯಾ ದೆಕುನ್ ಪ್ಲಾಸ್ಟಿಕ್ ಹುಲ್ಪಾಯಿನಾಸ್ತಾನಾಂ ಪರಿಸರ್ ಸಂರಕ್ಷಣ್ ಕರ್ನ್ ಝಡಾಂ ಲಾವ್ನ್ ಪರಿಸರ್ ಸಂರಕ್ಷಣ್ ಕರ್ನ್ ಭಲಾಯ್ಕೆ ಭರಿತ್ ಜೀವನ್ ಭಾಂದುನ್ ಹಾಡ್ನ್ ಪ್ರಕೃತಿಚೊ ಮೋಗ್ ಕರ್ಯಾಂ ಮ್ಹಣ್ ಸಂದೇಶ್ ದಿಲೊ. ತಶೆಂಚ್ ಝಡಾ ಹಾಡ್ನ್ ಕಾರ್ಯಕ್ರಮ್ ಮಾಂಡುನ್ ಹಾಡ್ಲ್ಯಾ ಸಂಯೋಜಕಿ, ಸಂಚಾಲಕ್, ಕಥೊಲಿಕ್ ಸಭೆಚೊ ಆನಿ ಸಹಕರ್ ದಿಲ್ಲ್ಯಾ ಸರ್ವಾಂಕ್ ಹೊಗ್ಳಿಕ್ ಉಚಾರ್ನ್ ಉಪ್ಕಾರ್ ಭಾವುಡ್ಲೊ.
ಉಪ್ರಾಂತ್ ವಿಗಾರ್ ಬಾಪಾಂನಿ ಫಿರ್ಗಜ್ಗಾರಾಂ ತರ್ಫೆನ್ ಫಿ.ಗೊ.ಪ. ಉಪಾಧ್ಯಕ್ಷ್, ಕಾರ್ಯದರ್ಶಿ ಆನಿ ಸಂಯೋಜಕಿಕ್ ಝಡ್ ವಿತರಣ್ ಕರ್ಚ್ಯಾ ಮಾರಿಫಾತ್ ಹ್ಯಾ ಕಾರ್ಯ್ಯಾಕ್ ಚಾಲನ್ ದಿಲೆಂ. ಆನಿ ಸರ್ವ್ ಮಾನಾಂಚಾ ಸಯ್ರ್ಯಾಂನಿ ತಶೆಂಚ್ ಸಾಕ್ಸ್ ಆಯೋಗ್ ಪಂಗ್ಡಾಚ್ಯಾ ಸಾಂದ್ಯಾ ಸಾಂಗಾತಾ ಮೆಳೊವ್ನ್ 'ಲಾವ್ದಾತೊ ಸಿ' - 2025 ಝಡ್ ಲಾಯ್ಲೆಂ. ಉಪ್ರಾಂತ್ ಕಥೊಲಿಕ್ ಸಭಾ ಥಾವ್ನ್ ಸಾಂದ್ಯಾನಿ ಸಾಂಗಾತಾ ಮೆಳೊವ್ನ್ ಕಥೊಲಿಕ್ ಸಭಾ - 2025 ಝಡ್ ಲಾಯ್ಲೆಂ. ಜಾಂಬ್ಳಾಚೆ, ಪೆರಾಂಚೆ, ಕಾಯ್ಬೆವ್, ಲಕ್ಷಮಣ್ ಫಲಾ, ಲಿಂಬ್ಯಾಚೆ, ಬಿಂಡಾಚೆ, ಬೀಟಿಚೆ, ಜಾಂಬಾಚೆ, ಬೇಂಗಾ, ಮಹಾಗನಿ, ದಾಲ್ಚಿನಿ, ಆಂಬ್ಯಾಚೆ, ಸಾಗೊಣಿಚೆ, ವೊಂಟಿಚೆ, ಗಂಧಚೆ, ರಕ್ತಚಂದನ, ಹೊನ್ನೆ, ಪೊನ್ನೆ, ಬಿಂಬ್ಳ್ಯಾಚಿ, ಸಿಂರ್ಟಾ, ತಿಕೆಚೆ, ಕಾಷ್ಯಾ ಫಿಸ್ತುಲ್ಲಾ ಆಶೆಂ 22 ನಮೊನೆಚಿ 280 ಝಡಾಂ ಫಿರ್ಗಜ್ಗಾರಾಂಕ್ ವಿತರಣ್ ಕೆಲಿಂ. ಸಗ್ಳಿಂ ಜವಾಬ್ದಾರಿ ಆಯೋಗಾಂಚಿ ಸಂಯೋಜಕಿ ಆನಿ ಸಂಚಾಲಾಕ್/ಅಧ್ಯಕ್ಷ್ ಹಾಣಿಂ ಕಾಣ್ಘೆಲ್ಲಿ. ಹೆಂ ಕಾರ್ಯೆಂ ಅಧ್ಯಕ್/ ಸಂಚಾಲಾಕ್ ಶ್ರೀಮಾನ್ ಗ್ಲೇನ್ ರೋಶನ್ ಡಿಕುನ್ಹಾ ಹಾಣಿಂ ಚಲವ್ನ್ ವೆಲೆಂ. ಪ್ರಮೀತ್ ಡಿಸೋಜ ಹಾಣಿಂ ತಸ್ವೀರ್ ಕಾಡ್ನ್ ಸಹಕರ್ ದಿಲೊ.