ನಿರಾಪ್ರಾಧಿ ಬಾಳ್ಕಾಂಚೆಂ ಫೆಸ್ತ್

ಪೊಂಪೈ ಮಾಯೆಚಿ ಫಿರ್ಗಜ್ ಗುರ್ಪುರ್ ಕೈಕಂಬ ಫಿಗರ್ಜೆಂತ್ ದಸಂಬರ್ ಮಹಿನ್ಯಾಚಾ 28 ತಾರಿಕೆರ್ ಸನ್ವಾರ ಸಕಾಳಿಂ 7 ವ್ಹರಾರ್ ಮಿಸಾಚಾ ಬಲಿದಾನಾ ವರ್ವಿಂ ಕಥೊಲಿಕ್ ಸಭೆಚಾ ಮುಖೇಲ್ಪಣಾರ್ ಬಾಳ್ಕಾಂಚಾ ದಿಸಾಚೊ ಸಂಭ್ರಮ್ ಚಲವ್ನ್ ವೆಲೊ. ಪ್ರಧಾನ್ ಯಾಜಕ್ ಜಾವ್ನ್ ಮಾನಾಧಿಕ್ ಬಾಪ್ ದೊತೊರ್ ಪಿಯೂಸ್ ಫಿದೆಲಿಸ್ ಪಿಂಟೊ ಹಾಣಿಂ ಮಿಸಾಚೆಂ ಬಲಿದಾನ್ ಬೆಟಯ್ಲೆಂ. ಭೋವ್ ಮಾ| ಬಾ| ರುಡೋಲ್ಫ್ ರವಿ ಡೆಸಾ ಆನಿ ದಿಯಾಕೊನ್ ಬಾಪ್ ವಿಕಾಸ್ ಪಿರೇರಾ ಹಾಣಿಂ ಮಿಸಾಚಿಂ ಸಹಬೆಟವ್ಣಿ ಕೆಲಿ. ಉಪ್ರಾಂತ್ ವಿಗಾರ್ ಬಾಪಾನಿ ಭುರ್ಗ್ಯಾಂಚೆರ್ ಆಶೀರ್ವಾದ್ ಮಾಗ್ಲೊಂ. ಭುರ್ಗ್ಯಾಂಚ್ಯಾ ಆನಿ ತಾಂಚ್ಯಾ ವ್ಹಡಿಲಾಂ ಸಾಂಗಾತಾ ತಸ್ವೀರ್ ಕಾಡ್ನ್ ಉಪ್ರಾಂತ್ ಶ್ರೀಮತಿ ಡೆಲ್ಸಿ ರೊಡ್ರಿಗಸ್ ಆನಿ ಶ್ರೀಮತಿ ಸಿಲ್ವಿಯಾ ರೊಡ್ರಿಗಸ್ ಹಾಣಿಂ ಭುರ್ಗ್ಯಾಂಕ್ ವಿವಿಧ್ ಖೆಳ್ ಚಲವ್ನ್ ವ್ಹೆಲೆಂ. ಶ್ರೀಮತಿ ಪ್ರವೀಣಾ ಡಿಸಿಲ್ವಾ ಹಿಣೆಂ ಭುರ್ಗ್ಯಾಂಕ್ ಖೆಳಾ ವಸ್ತು ದಿವ್ನ್ ಭುರ್ಗ್ಯಾಂಚಿ ಮನಾಂ ದಾದೊಶಿ ಕೆಲಿ. ಶ್ರೀಮಾನ್ ರಿಚಾರ್ಡ್ ಆನಿ ಸುನಿತಾ ಡಿಕುನ್ಹಾ ಆಪ್ಲ್ಯಾ ಲಗ್ನಾ ದಿಸಾಚಾ ಉಗ್ಡಾಸಾಕ್ ಭುರ್ಗ್ಯಾಂಕ್ ಗೊಡ್ಸೆಂ ವಾಟ್ಲೆಂ. ಉಪ್ರಾಂತ್ ವಿಗಾರ್ ಬಾಪ್ ಭೋವ್ ಮಾ|ಬಾ| ರುಡೋಲ್ಫ್ ರವಿ ಡೆಸಾ, ದೊತೊರ್ ಪಿಯೂಸ್ ಪಿದೆಲಿಸ್ ಪಿಂಟೊ, ದಿಯಾಕೊನ್ ಬಾಪ್ ವಿಕಾಸ್ ಪಿರೇರಾ ಹಾಣಿಂ ಖೆಳಾಂತ್ ವಿಜೇತ್ ಜಾಲ್ಲ್ಯಾ ಭುರ್ಗ್ಯಾಂಕ್ ಇನಾಮಾ ದಿವ್ನ್ ನಿರಾಪ್ರಾಧಿ ಬಾಳ್ಕಾಂಚೆಂ ದಿಸಾಚೊ ಸಂಭ್ರಮ್ ಸಂಭ್ರಮ್ಲೊಂ.