ಬೆಸ್ಪಾಚೊ ಸಂಭ್ರಮ್ - 2024

ಫಿರ್ಗಜ್ ಫೆಸ್ತಾಕ್ ಪೂರಕ್ ಜಾವ್ನ್ ನವೆಂಬರ್ ಮಹಿನಾಚ್ಯಾ 5 ತಾರಿಕೆರ್ ಸಾಂಜೆರ್ ಫಿರ್ಗಜ್ ಶಾರೊತಿನ್ ಪೊಂಪೈ ಮಾಯೆಕ್ ಸಾರ್ವಜನಿಕ್ ಪರ್ಗಟ್ ಮಾನ್ ಆನಿ ದೆವಾಚಾ ಸಬ್ದಾಚೊ ಸಂಭ್ರಮ್ (ಬೆಸ್ಪ್) ಆಚರಣ್ ಕೆಲೊ. ಸಾಂಜೆರ್ 6:30 ವ್ಹರಾರ್ ಕೈಕಂಬ ಪೊಂಪೈ ಮಹಾದ್ವಾರಲಾಗಿಂ ಫಿರ್ಗಜ್ ವಿಗಾರ್ ಭೊ|ಮಾ|ಬಾ| ರುಡೋಲ್ಫ್ ರವಿ ಡೆಸಾ ಬಾಪಾಂನಿ ಆಯ್ಚ್ಯಾ ಸಂಭ್ರಮಾಚೆಂ ಪ್ರಧಾನ್ ಯಾಜಕ್ ಬಜ್ಪೆ ಸಾಂ. ಜುಜೆ ಫಿರ್ಗಜೆಚೆ ಸಹಾಯಕ್ ವಿಗಾರ್ ಮಾ|ಬಾ| ವಿವಿಯಾನ್ ರೊಡ್ರಿಗಸ್, ದಿಯಾಕೊನ್ ವಿಕಾಸ್ ಪಿರೇರಾ ಆನಿ ಫಿರ್ಗಜ್‌ಗಾರಾಂ ಸಂಗಿ ಪೊಂಪೈ ಮಾಯೆಚೆಂ ಚೆರೆಲ್ ಆಶಿರ್ವಾದಿತ್ ಕೆಲೆಂ. ಪೊಂಪೈ ಮಾಯೆಚ್ಯಾ ಚೆರೆಲಾ ಸಂಗಿ ಜಳ್ತ್ಯೊ ವಾತಿ ಘೆವ್ನ್ ದೇವ್ ತೆಂಪ್ಲಾಕ್ ಪುರ್ಶಾಂವಾರ್ ವಚುನ್ ಮಾರ್ಯೆ ಮಾಯೆಕ್ ಮಾನ್ ಕೆಲೊ. ಫಿರ್ಗಜ್ ಫೆಸ್ತಾಕ್ ಫಿರ್ಜೆಂತ್ ರಾವೊನ್ ಸಹಕಾರ್ ದಿಲ್ಲ್ಯಾ ಫಿರ್ಜೆಂತಿಂಕ್ ವ್ಹಾರಿ ದೀವ್ನ್ ಮಾನ್ ಕೆಲೊ. ಉಪ್ರಾಂತ್ ದೆವಾಚೆಂ ಉತಾರ್ ಪರ್ಗಟುನ್ ಮಾ|ಬಾ|ವಿವಿಯಾನ್ ರೊಡ್ರಿಗಸ್ ಹಾಣಿಂ ಕ್ರೀಸ್ತಿ ಭಾವಾಡ್ತ್ ಜಿಯೆಂವ್ಕ್ ಆನಿ ಪರ್ಗಟುಂಕ್ ದೆವಾಚೆಂ ಉತರ್ ಪ್ರೇರಣ್ ಜಾಂವ್ ಮ್ಹಳ್ಳ್ಯಾ ಸಂದೇಶಾ ವಯ್ರ್ ಆನಿ ದೆವಾಚ್ಯಾ ಉತ್ರಾಂ ವಯ್ರ್ ಪ್ರವಚನ್ ದಿಲೆಂ. ಆನಿ ಸಾಕ್ರಾಮೆಂತಾಚೆ ಆರಾಧಾನ್ ಚಲವ್ನ್ ವೆಲೆಂ. ಸುಮಾರ್ 500 ಲೋಕ್ ಹ್ಯಾ ಭಕ್ತಿಕ್ ಕಾರ್ಯಾಕ್ ಹಾಜರ್ ಆಸ್‍ಲ್ಲೊ. ಹಾಜರ್ ಆಸ್'ಲ್ಲ್ಯಾ ಸರ್ವಾಂಚೊ ಆನಿ ಬೆಸ್ಪಾಕ್ ಸಹಕಾರ್ ದಿಲ್ಲ್ಯಾಂಕ್ ತಶೆಂಚ್ ಪೊಂಪೈ ಮಾಯೆಚೆ ನವೆಂ ಚೆರೆಲ್ ಧಾನ್ ಜಾವ್ನ್ ದಿಲ್ಲ್ಯಾ ಪೊಂಪೈ ‘ಎ’ ವಾಡ್ಯಾಚಾ ಶ್ರೀಮಾನ್ ಜೊರ್ಜ್ ಸೆರಾವೊ ಆನಿ ಕುಟ್ಮಾಚೊ ಉಪ್ಕಾರ್ ಭಾವುಡ್ಲೊ. ವಾರಾಡ್ಯಾಚೆ ಆನಿ ದಿಯೆಸೆಜಿಚೆ ಪಂಚ್ವೀಸ್ ಸಯ್ರೆ ಯಾಜಕ್ ಹಾಜರ್ ಆಸೊನ್ ಬೆಸ್ಪಚ್ಯಾ ಸಂಭ್ರಮಾಚೊ ಸಂತೊಸ್ ದೊಡ್ತೊ ಜಾಲೊ. ದಾರು ಲಾಸ್ಚ್ಯಾ ಕಾರ್ಯಾ ಸವೆಂ ಬೆಸ್ಪಾಚೊ ಸಂಭ್ರಮ್ ಸಂಪ್ಲೊ. ಕೈಕಂಬ ಮಹಾದ್ವಾರಾಲಾಗಿ ಆನಿ ಇಗರ್ಜೆಂತ್ ಶ್ರೀಮತಿ ಜೂಲಿಯನಾ ಡಿಕುನ್ಹಾ ಹಿಣೆಂ ಬೆಸ್ಪಾಚ್ಯಾ ಸಂಭ್ರಮಾಚೆಂ ಕಾರ್ಯೆಂ ನಿರ್ವಾಹಣ್ ಕೆಲೆಂ. ಕಥೊಲಿಕ್ ಸಭೆಚ್ಯಾ ಸಾಂದ್ಯಾಂನಿ ಇಗರ್ಜೆ ಭಾಯ್ಲ್ಯಾ ಸ್ಟಾಲಾಂತ್ ಅಂಗೊವ್ಣೆಚೊ ವಾತಿ ವಿಕೊಂಕ್ ಆನಿ ಶ್ರೀ. ದೀಪಕ್ ಡಿಸೋಜನ್ ತಸ್ವೀರ್ ಕಾಡ್ನ್ ಸಹಕಾರ್ ದಿಲೊ.