ಪಿ.ವೈ.ಸಿ - 2025-26 ವ್ಯಾ ವರ್ಸಾಚೆಂ ಉಗ್ತಾವಣ್‌ ಕಾರ್ಯೆಂ
ಪೊಂಪೈ ಮಾಯೆಚಿ ಫಿರ್ಗಜ್‌, ಗುರ್ಪುರ್‌ - ಕೈಕಂಬ, ಪೊಂಪೈ ಯಂಗ್‌ ಸ್ಟರ್ಸ್‌ ಕ್ಲಬ್‌ (ಪಿ.ವೈ.ಸಿ - ಐ.ಸಿ.ವೈ.ಎಮ್) ಗುರ್ಪುರ್‌ ಘಟಕಾಚೆ 2025-26 ವ್ಯಾ ವರ್ಸಾಚೆಂ ಉದ್ಘಾಟನ್‌ ಕಾರ್ಯೆಂ "IGNITE - To Lead, To Serve, To Shine", ಜೂನ್‌ ಮಹಿನ್ಯಾಚಾ 15 ತಾರಿಕೆರ್‌ ಆಯ್ತಾರಾ ಸಾಕಾಳಿಂಚ್ಯಾ ಮಿಸಾ ಉಪ್ರಾಂತ್ ಶತಾಬ್ಧಿ ಸ್ಮರಾಕ್ ಭವನಾಂತ್‌ ಚಲವ್ನ್ ವೆಲೆಂ. ಲಿತುರ್ಜಿ ಕಾರ್ಯದರ್ಶಿನ್‌ ಆನಿ ಸಾಂದ್ಯಾನಿ ಪ್ರಾರ್ಥಾನ್‌ ಗಿತಾಂ ದ್ವಾರಿ ಕಾರ್ಯಾಚೆರ್‌ ದೆವಾಚೊ ಆರ್ಶಿವಾದ್‌ ಮಾಗ್ಲೊಂ. ವೆದಿಚೆರ್‌ ಫಿರ್ಗಜ್‌ ವಿಗಾರ್‌ ಆನಿ ಪಿ.ವೈ.ಸಿ - ಐ.ಸಿ.ವೈ.ಎಮ್ ದಿರೆಕ್ತೊರ್ ಭೊ.ಮಾ.ಬಾ. ರುಡೋಲ್ಫ್ ರವಿ ಡೆಸಾ, ಭಾರತೀಯ್‌ ಕಥೋಲಿಕ್‌ ಯುವಾ ಸಂಚಾಲನ್‌ ಮಂಗ್ಳುರ್‌ ದಿಯೆಸೆಜ್‌ 2024-25 ವ್ಯಾ ವರ್ಸಾಚೊ ಅಧ್ಯಕ್ಷ್‌ ಮಾನೆಸ್ತ್‌ ವಿನ್‌ಸ್ಟನ್‌ ಸಿಕ್ವೇರಾ, ಫಿ.ಗೊ.ಪ ಉಪಾಧ್ಯಕ್ಷ್‌ ಶ್ರೀಮಾನ್‌ ರೋಮನ್ಸ್‌ ಲೋಬೊ, ಕಾರ್ಯದರ್ಶಿ ಶ್ರೀಮಾನ್‌ ಜೊನ್ಸನ್‌ ಲೋಬೊ, 21 ಆಯೋಗಾಚಿಂ ಸಂಯೋಜಕಿ ಶ್ರೀಮತಿ ಹಿಲ್ಡಾ ಮಿನೇಜಸ್‌, ಪಿ.ವೈ.ಸಿ - ಐ.ಸಿ.ವೈ.ಎಮ್ ಸಚೇತಕ್‌ ಶ್ರೀಮಾನ್‌ ಗೊಡ್ವಿನ್‌ ತಾವ್ರೊ, ಪಿ.ವೈ.ಸಿ ಅಧ್ಯಕ್ಷ್‌ ಆನಿ ಕಾರ್ಯದರ್ಶಿ ಹಾಜರ್‌ ಆಸ್'ಲ್ಲಿ. ಪಿ.ವೈ.ಸಿ ಅಧ್ಯಕ್ಷ್‌ ವೆನಿಶಾ ಸಲ್ಡಾನನ್‌ ಜಮ್ಲೆಲ್ಲ್ಯಾ ಸಮೆಸ್ತಾಂಕ್‌ ಸ್ವಾಗತ್‌ ಕೆಲೊ. ವೆದಿಚೆರ್‌ ಉಪಸ್ಥಿತ್ ಆಸ್‌ಲ್ಲ್ಯಾ ಮಾನಾಂಚ್ಯಾ ಸಯ್ರಾಂಚ್ಯಾ ಬರಾಬರ್‌ ದೊಗಾಂ ನವ್ಯಾ ಸಾಂದ್ಯಾಂನಿ ದಿವೊ ಪೆಟೊವ್ನ್‌ ಕಾರ್ಯಾಚೆಂ ಉಗ್ತಾವಣ್‌ ಕೆಲೆಂ.
ಐ.ಸಿ.ವೈ.ಎಮ್ ದಿರೆಕ್ತೊರ್ ಭೊ.ಮಾ.ಬಾ ರುಡೋಲ್ಫ್ ರವಿ ಡೆಸಾ ಬಾಪಾಂನಿ 2025-26 ವ್ಯಾ ವರ್ಸಾಚ್ಯಾ ಹುದ್ದೆದಾರಾಚಿಂ ಪ್ರತಿಜ್ಞಾವಚಾನ್‌ ವಿಧಿ ಚಲವ್ನ್ ವ್ಹೆಲೆಂ. ಉಪ್ರಾಂತ್ ದಿರೆಕ್ತೊರ್ ಬಾಪಾಂನಿ ಯುವಜಣಾಕ್‌ ಆಪ್ಲೊ ಸಂದೇಶ್‌ ದಿಲೊ. ಭಾರತೀಯ್‌ ಕಥೋಲಿಕ್‌ ಯುವಾ ಸಂಚಾಲನ್‌ ಮಂಗ್ಳುರ್‌ ದಿಯೆಸೆಜ್‌ 2024-25 ವ್ಯಾ ವರ್ಸಾಚೊ ಅಧ್ಯಕ್ಷ್‌ ಮಾನೆಸ್ತ್‌ ವಿನ್‌ಸ್ಟನ್‌ ಸಿಕ್ವೇರಾಕ್‌ ಉಗ್ಡಾಸಾಚಿಂ ಕಾಣಿಕ್‌ ದಿವ್ನ್‌ ಮಾನ್‌ ಕೆಲೊ. ಜಮ್ಲೆಲ್ಲ್ಯಾ ಸಮೆಸ್ತಾಕ್‌ ಕಾರ್ಯದರ್ಶಿ ವಿಯೋಲಾ ಮೊರಾಸಾನ್‌ ಧನವ್ಯಾದ್‌ ಪಾಟಯ್ಲೆಂ. ಮಾನೆಸ್ತ್‌ ವಿನ್‌ಸ್ಟನ್‌ ಸಿಕ್ವೇರಾನ್‌ ಐ.ಸಿ.ವೈ.ಎಮ್ ಸಂಘಟನಾಚೊ ರುಲಿ - ರೆಗ್ರೊ ತಶೆಂಚ್ ಯುವ ದಿಷ್ಟವ್ಯ್ನಾ ವಿಶಿಂ ಮಾಹೆತ್‌ ದಿಲಿ. ಕು. ರೇಶ್ಮಾ ಸಿಕ್ವೇರಾನ್‌ ಭೋವ್‌ ಅಪುರ್ಬಾಯೆನ್ ಕಾರ್ಯೆಂ ನಿರ್ವಾಹಣ್ ಕೆಲೆಂ. ಹ್ಯಾ ಕಾರ್ಯಾಕ್‌ ತೀಸ್ ಸಾಂದೆ ಹಾಜರ್‌ ಆಸ್‌ಲ್ಲಿ.