ಪಿ.ವೈ.ಸಿ. ಚಾಂಪಿಯನ್ಸ್ ಲೀಗ್ 2024 SEASON-2

ಪೊಂಪೈ ಯಂಗ್ ಸ್ಟರ್ಸ್ ಕ್ಲಬ್ (ಐ.ಸಿ.ವೈ.ಎಮ್) ಆನಿ ಯುವಜಣಾಂಚೊ ಆಯೋಗ್‌ ಹಾಂಚ್ಯಾ ಸಹಾಯೋಗಾನ್ ಸಪ್ಟೆಂಬರ್ ಮಹಿನ್ಯಾಚಾ 29 ತಾರಿಕೆರ್ ಆಯ್ತಾರಾ ಸಕಾಳಿಂಚಾ ಮಿಸಾ ಉಪ್ರಾಂತ್ ಇಗರ್ಜೆಚಾ ಮೈದಾನಾರ್ ಡ್ರಗ್ಸ್ ವಿರೋಧ್ ಜಾಗ್ರತಿ ಅಭಿಯಾನ್ ಹಾಚೆಂ ಖಾತಿರ್ ಫಿರ್ಗಜ್ಗಾರಾಂಕ್ ಪಿ.ವೈ.ಸಿ. ಚಾಂಪಿಯನ್ಸ್ ಲೀಗ್, ಚಲಿಯಾಂಕ್ ಕ್ರಿಕೆಟ್ ಟೂರ್ನಾಮೆಂಟ್ ಆನಿ ಚಲ್ಯಾಂಕ್ ಫುಟ್ಬಾಲ್ ಖೆಳಾ ಪಂದ್ಯಾಟ್ ಮಾಂಡುನ್ ಹಾಡ್ಲೆಂ. ವೆದಿ ಕಾರ್ಯೆಂ ಸವೆಂ ಖೆಳ್ ಆರಂಭ್ ಕೆಲೊ. ಹ್ಯಾ ಕಾರ್ಯಾಂಕ್ ಅಧ್ಯಕ್ಷ್ ಜಾವ್ನ್ ಪಿ.ವೈ.ಸಿ ದಿರೆಕ್ತೊರ್ ಆನಿ ಫಿರ್ಗಜ್ ವಿಗಾರ್ ಭೊ.ಮಾ.ಬಾ. ರುಡೋಲ್ಫ್ ರವಿ ಡೆಸಾ, ಮುಖೆಲ್ ಸಯ್ರೊಂ ಜಾವ್ನ್ ಫಿರ್ಗಜ್ಗಾರ್ ತಶೆಂಚ್ ಫಾಮಾದ್ ಖೆಳ್ಗಾಡಿ ಶ್ರೀಮಾನ್ ನೆಲ್ಸನ್ ಪಿಂಟೊ, ಮಂಗ್ಳುರ್ ದಿಯೆಸೆಜ್ ಐ.ಸಿ.ವೈ.ಎಮ್ ಉಪಾಧ್ಯಕ್ಷ್ ಆನಿ ಪೆಜಾರ್ ವಾರಾಡೊ ಐ.ಸಿ.ವೈ.ಎಮ್ ಹಾಚೆಂ ಪ್ರತಿನಿಧಿ ರಿಯಾನ್ನಾ ಡಿಕುನ್ಹಾ, ಫಿರ್ಗಜ್ ಗೊವ್ಳಿಕ್ ಪರಿಷಧ್ ಉಪಾಧ್ಯಕ್ಷ್ ಶ್ರೀಮಾನ್ ರೋಮನ್ಸ್ ಲೋಬೊ, ಕಾರ್ಯದರ್ಶಿ ಶ್ರೀಮಾನ್ ಜೊನ್ಸನ್ ಲೋಬೊ, ಸರ್ವ್ ಆಯೋಗಾಚಿಂ ಸಂಯೋಜಕಿ ಶ್ರೀಮತಿ ಹಿಲ್ಡಾ ಮಿನೇಜಸ್, ಐ.ಸಿ.ವೈ.ಎಮ್ (ಪಿ.ವೈ.ಸಿ.) ಸಚೇತಕ್ ಆನಿ‌ ಯುವಜಣಾಂಚೊ ಆಯೋಗ್ ಕಾರ್ಯದರ್ಶಿ ಶ್ರೀಮಾನ್ ಗೊಡ್ವಿನ್ ತಾವ್ರೊ ಆನಿ ಪಿ.ವೈ.ಸಿ ಅಧ್ಯಕ್ಷ್ ಲೆಸ್ಟರ್ ಮಿನೇಜಸ್ ಆನಿ ಕಾರ್ಯದರ್ಶಿ ಪ್ರೀಮಾ ಮಿನೇಜಸ್, ಖೆಳಾ ಕಾರ್ಯದರ್ಶಿ ಅಗೊಸ್ತಿನ್ ಮಿನೇಜಸ್ ವೆದಿಚೆರ್ ಹಾಜರ್ ಆಸ್ಲಿಂ. ಪಿ.ವೈ.ಸಿ ಅಧ್ಯಕ್ಷ್ ಲೆಸ್ಟರ್ ಮಿನೇಜಸ್ ಹಾಣಿಂ ವೆದಿರ್ ಹಾಜರ್ ಆಸ್ಲ್ಯಾ ಮಾನಾಂಚಾ ಸಯ್ರ್ಯಾಂಕ್ ಆನಿ ಜಮ್ಲೆಲ್ಯಾಂ ಸರ್ವಾಂಕ್ ಸ್ವಾಗತ್ ಮಾಗ್ಲೊಂ. ಉಪ್ರಾಂತ್ ವೆದಿರ್ ಉಪಸ್ಥಿತ್ ಆಸ್ಲ್ಯಾ ಮಾನಾಂಚಾ ಸಯ್ರ್ಯಾಂನಿ ಟ್ರೋಫಿ ಅನಾವರಾಣ್ ಕರ್ಚ್ಯಾಂ ಮುಖಾಂತ್ರ್ ಖೆಳಾಚೆಂ ಉದ್ಘಾಟನ್ ಚಲವ್ನ್ ವ್ಹೆಲೆಂ. ಮುಖೆಲ್ ಸಯ್ರೊಂ ಮಾನೇಸ್ತ್ ನೆಲ್ಸನ್ ಪಿಂಟೊ ಹಾಣಿಂ ಯಾಂತ್ರಿಕತಾಚಾ ಹ್ಯಾ ವೆಳಾರ್ ಸರ್ವ್ ಯುವಜಣಾಂನಿ ಬಾಯ್ರ್ ಯೇವ್ನ್ ಅಸಲೊ ಖೆಳ್ ಮಾಂಡುನ್ ಹಾಡ್ಲ್ಯಾ ಪಿ.ವೈ‌.ಸಿ ಸಂಘಟನಾಚಾ ಸಾಂದ್ಯಾಕ್ ಹೊಗ್ಳಿಕ್ ಉಚಾರ್ನ್ ಖೆಳ್ತಾನಾ ಕಿತೆಂಯಿ ಚಡ್ ಉಣೆಂ ಘಡ್ತಾನಾ ಸೊಡ್ ದೊಡ್ ಕರ್ನ್ ಭಗ್ಸಣ್ಯಾಚಾ ಸ್ಪಿರಿತಾನ್ ಹೊಂದೊನ್ ವಸಾಜೆ ಮ್ಹಣ್ ಎಕಾ ಘಡಿತಾ ಮುಖಾಂತ್ರ್ ಸಂದೇಶ್ ದಿವ್ನ್ ಸರ್ವ್ ಖೆಳ್ಗಾಡ್ಯಾಂಕ್ ಬರೆಂ ಮಾಗ್ಲೆಂ. ಉಪ್ರಾಂತ್ ವೆದಿರ್ ಆಸ್ಲ್ಯಾ ಮಾನಾಂಚಾ ಸಯ್ರ್ಯಾಂನಿ ಡ್ರಗ್ಸ್ ವಿರೋಧ್ ಜಾಗ್ರತಿ ಅಭಿಯಾನ್ ಲೋಗೋ ಆಸ್ಚೆಂ ಸ್ಟಿಕ್ಕರ್ ಖೆಳ್ಗಾಡ್ಯಾಂಚಾ ಜೆರ್ಸಿಕ್ ಚಿಡ್ಕಾಂವ್ನ್ Say No TO drugs ಮ್ಹಳ್ಳ್ಯಾ ಸ್ಲೋಗನ್ ಸವೆಂ ದಿಯೆಸಿಜಿಚಾ ಅಭಿಯಾನಾಕ್ ಉಗ್ತ್ಯಾನ್ ಸಹಾಕರ್ ಭಾಸಯಿಲೊ. ಉಪ್ರಾಂತ್ ವಿಗಾರ್ ಬಾಪಾಂನಿ ಯುವಜಣ್ ಸಭಾರ್ ಚಟುವಟಿಕೊ ಮಾಂಡುನ್ ಹಾಡ್ತಾತ್ ಖೈಂಸರ್ ಯುವಜಣ್ ಸಾಂಗಾತಾ ವಾವ್ರ್ ಕರ್ತಾತ್ ಥಂಯ್ಸರ್ ಫಿರ್ಗಜ್ ಜಿವಾಳ್ ಆಸ್ತಾ . ಆಮ್ಚೆಂ ಯುವಜಣ್ ಹರ್ಯೆಂಕಾ ಸಂಗ್ತಿನಿ ಮುಕಾರ್ ಆಸಾತ್ ಅಸಲೆಂ ಫುಟ್ಬಾಲ್ ಆನಿ ಕ್ರಿಕೆಟ್ ಪಂದ್ಯಾಟ್ ಮಾಂಡುನ್ ಹಾಡ್ಲ್ಯಾ ಪಿ.ವೈ.ಸಿ'ಚ್ಯಾ ಸರ್ವ್ ಯುವಜಣಾಂಕ್ ಹೊಗ್ಳಿಕ್ ಉಚಾರ್ನ್ ಸಂದೇಶ್ ದಿವ್ನ್ ಖೆಳಾಚೆರ್ ಆನಿ ಖೆಳ್ಘಾಡ್ಯಾಂಚೆರ್ ದೆವಾಚೊ ಆಶಿರ್ವಾದ್ ಮಾಗ್ಲೊಂ. ಉಪ್ರಾಂತ್ ಪಿ.ವೈ.ಸಿ ಕಾರ್ಯದರ್ಶಿ ಪ್ರೀಮಾ ಮಿನೇಜಸ್ ಹಾಣೆಂ ಸರ್ವಾಂಚೊ ಉಪ್ಕಾರ್ ಭಾವುಡ್ಲೊಂ. ಪಿ.ವೈ.ಸಿ ಸಂಘಟನ್ ಆನಿ ಯುವಜಣಾಂಚೊ ಆಯೋಗ್ ಸಾಂಗಾತಾ ಮೆಳೊವ್ನ್ ಪಿ.ವೈ.ಸಿ ಚಾಂಪಿಯನ್ಸ್ ಲೀಗ್ ಕ್ರಿಕೆಟ್ ಟೂರ್ನಾಮೆಂಟ್ ಆನಿ ಫುಟ್ಬಾಲ್ ಉದ್ಘಾಟನ್ ಕಾರ್ಯೆಂ ಭೋವ್ ಅರ್ಪುಬಾಯೆನ್ ಮಾಂಡುನ್ ಹಾಡ್ಲೆಂ. ಪಿ.ವೈ.ಸಿ ಸಾಂದೊ ವಿನೋದ್ ಮಿರಾಂದ ಹಾಣಿಂ ಭೋವ್ ಅಪುರ್ಬಾಯೆನ್ ಕಾರ್ಯೆಂ ನಿರ್ವಾಹಣ್ ಚಲವ್ನ್ ವೆಲೆಂ.

ಪೊಂಪೈ ಯಂಗ್ ಸ್ಟರ್ಸ್ ಕ್ಲಬ್ (ಐ.ಸಿ.ವೈ.ಎಮ್) ಆನಿ ಯುವಜಣಾಂಚೊ ಆಯೋಗ್ ಹಾಂಚ್ಯಾ ಸಹಾಯೋಗಾನ್ ಮಾಂಡುನ್ ಹಾಡ್ಲ್ಯಾ ಪಿ.ವೈ.ಸಿ ಲೀಗ್ ಚಾಂಪಿಯನ್ಸ್ ಶಿಪ್ ಫುಟ್ಬಾಲ್ ಆನಿ ಕ್ರಿಕೆಟ್ ಖೆಳಾ ಸ್ಪರ್ಧ್ಯಾಚೆಂ ಬಹುಮಾನ್ ವಿತರಣ್ ಕಾರ್ಯೆಂ ಸಪ್ಟೆಂಬರ್ ಮಹಿನ್ಯಾಚಾ 29 ತಾರಿಕೆರ್ ಸಾಂಜೆರ್ 6.00 ವ್ಹರಾರ್ ಇಗರ್ಜೆಚಾ ಮೈದಾನಾರ್ ಆಸಾ ಕೆಲೆಂ. ವೆದಿಚೆರ್ ಫಿರ್ಗಜ್ ಗೊವ್ಳಿಕ್ ಪರಿಷದ್ ಉಪಾಧ್ಯಕ್ಷ್ ಮಾನೇಸ್ತ್ ರೋಮನ್ಸ್ ಲೋಬೊ, ಮುಖೆಲ್ ಸಯ್ರೊಂ ಮಾನೇಸ್ತ್ ನೆಲ್ಸನ್ ಪಿಂಟೊ, ಆಯೋಗ್ ಸಂಯೋಜಕಿ ಶ್ರೀಮತಿ ಹಿಲ್ಡಾ ಮಿನೇಜಸ್, ಪಿ‌.ವೈ.ಸಿ ಸಚೇತಕ್ ಆನಿ ಯುವಜಣಾಂಚೊ ಆಯೋಗ್ ಕಾರ್ಯದರ್ಶಿ ಶ್ರೀಮಾನ್ ಗೊಡ್ವಿನ್ ತಾವ್ರೊ, ಪಿ.ವೈ.ಸಿ. ಅಧ್ಯಕ್ಷ್ ಲೆಸ್ಟರ್ ಮಿನೇಜಸ್, ಕಾರ್ಯದರ್ಶಿ ಪ್ರೀಮಾ ಮಿನೇಜಸ್, ಖೆಳಾ ಕಾರ್ಯದರ್ಶಿ ಆಗೊಸ್ತಿನ್ ಮಿನೇಜಸ್ ಹಾಜರ್ ಆಸ್ಲಿಂ. ಜಮ್ಲೆಲ್ಯಾಂ ಸರ್ವಾಂಕ್ ಪಿ.ವೈ.ಸಿ ಅಧ್ಯಕ್ಷನ್ ಸ್ವಾಗತ್ ಮಾಗ್ಲೊಂ. ಖೆಳಾಂತ್ ಜಿಕ್ಲೆಲ್ಯಾಂಕ್ ಮಾನಾಂಚಾ ಸಯ್ರ್ಯಾಂನಿ ಟ್ರೋಫಿ ಆನಿ ಮೆಡಲ್ ದಿವ್ನ್ ಸನ್ಮಾನ್ ಕೆಲೆಂ.

WOMEN'S CRICKET

- WINNERS - ELITE WARRIORS

- RUNNERS - PHOENIX FLYERS

- BEST BATSMAN - SONAL FERNANDES

- BEST BOWLER - JOSNA NAZARETH

- MVP (MOST VALUABLE PLAYER) - HENSITA D'COSTA

SENIOR MALE - FOOTBALL

- WINNERS - VAMOS UNITED

- RUNNERS - BRISTOL CITY FC

- BEST STRIKER - CHRISTON FERNANDES

- BEST GOAL KEEPER - BLYTON RODRIGUES

- BEST DEFENDER - ANTON MENEZES

JUNIOR MALE - FOOTBALL

- WINNERS - SPARTANS FC

- RUNNERS - RED DRAGONS FC

- BEST STRIKER - SHAUN SALDANHA

- BEST DEFENDER - PRESTON MENEZES

- BEST GOAL KEEPER - ANSTON ANDRADE

ಒಟ್ಟುಕ್ ಚಲ್ಯಾಂಚಿ ಆನಿ ಚಲಿಯಾಂಚಿ 9 ಟೀಮ್ ಆನಿ 61 ಖೆಳ್ಘಾಡಿ ಆಸೊನ್ ಫುಟ್ಬಾಲ್ ಕ್ರಿಕೆಟ್ ಪಂದ್ಯಾಟ್ ಯಶಸ್ವಿ ಜಾಲೊ. ಐಝಿಲ್ ರೊಡ್ರಿಗಸ್ ಹಾಣಿಂ ವಿಜೇತಾಂಕ್ ಬಹುಮಾನ್ ವಿತರಣ್ ಕಾರ್ಯೆಂ ಚಲವ್ನ್ ವ್ಹೆಲೆಂ. ಹ್ಯಾ ಸಗ್ಳ್ಯಾ ಟುರ್ನಾಮೆಂಟಾಚೆಂ ಕಮೆಂಟ್ರಿ ರೋಯ್ಲಿನ್ ಲೋಬೊ, ದೀಪಾಕ್ ಡಿಸೋಜ, ವೈಭವ್ ರೊಡ್ರಿಗಸ್ ಆನಿ ಆಸ್ಟಿನ್‌ ಪಿಂಟೊ‌ ಹಾಣಿಂ ಭೋವ್ ಅರ್ಪುಬಾಯೆನ್ ಚಲವ್ನ್ ವ್ಹೆಲೆಂ. ಪಿ.ವೈ.ಸಿ ಸಂಘಟಾನಾಚಾ ಕೋರ್ ಕಮಿಟಿ ಆನಿ ಸರ್ವ್ ಸಾಂದ್ಯಾಚಾ ತಶೆಂಚ್ ಸರ್ವ್ ದಾನಿಂಚಾ ಸಹಕಾರನ್ ಪಿ.ವೈ.ಸಿ ಚಾಂಪಿಯನ್ಸ್ ಲೀಗ್ ಯಶಸ್ವಿ ಜಾಲೆಂ.