ಪ್ರತಿಭಾ ಪುರಸ್ಕಾರ್ - 2024

ಕಥೊಲಿಕ್ ಸಭಾ ಗುರ್ಪುರ್ ಘಟಕಾನ್ ಮಾಂಡುನ್ ಹಾಡ್'ಲ್ಲ್ಯಾ 2025ವ್ಯಾ ಜನೆರ್ ಮಹಿನ್ಯಾಚಾ 19 ತಾರಿಕೆರ್ ಆಯ್ತಾರಾ ದನ್ಪಾರಾ 3.30 ವ್ಹರಾರ್ ಶತಾಬ್ಧಿ ಸ್ಮಾರಕ್ ಭವನಾಂತ್ ಪ್ರತಿಭಾ ಪುರಸ್ಕಾರ್ ಕಾರ್ಯೆಂ ಚಲವ್ನ್ ವೆಲೆಂ. ಹ್ಯಾ ಕಾರ್ಯಾಂಕ್ ವೆದಿರ್ ಫಿರ್ಗಜ್ ವಿಗಾರ್ ತಶೆಂಚ್ ಆತ್ಮೀಕ್ ನಿರ್ದೇಶಕ್ ಭೊ.ಮಾ.ಬಾ.ರುಡೋಲ್ಫ್ ರವಿ ಡೆಸಾ ಹಾಣಿಂ ಹ್ಯಾ ಕಾರ್ಯಾಚೆಂ ತಶೆಂಚ್ ಕಥೊಲಿಕ್ ಸಭಾ ಗುರ್ಪುರ್ ಘಟಕಾಚೆ ಆತ್ಮಿಕ್ ನಿರ್ದೇಶಕ್ ಜಾವ್ನ್ ವೆದಿ ಕಾರ್ಯಚೆಂ ಸೊಭಾಯ್ ಸೊಭಯ್ಲಿಂ. ಮುಖೆಲ್ ಸಯ್ರೊಂ ಜಾವ್ನ್ ಡಾ. ಜೈಸನ್ ಜೀವನ್ ಸಿಕ್ವೇರಾ, ದಿಯಾಕೊನ್ ಬಾಪ್ ವಿಕಾಸ್ ಪಿರೇರಾ, ಫಿರ್ಗಜ್ ಗೊವ್ಳಿಕ್ ಪರಿಷದೆಚೊ ಉಪಾಧ್ಯಕ್ಷ್ ಶ್ರೀಮಾನ್ ರೋಮಾನ್ಸ್ ಲೋಬೊ, ಕಾರ್ಯದರ್ಶಿ ಶ್ರೀಮಾನ್ ಜೊನ್ಸನ್ ಲೋಬೊ, ಆಯೋಗಾಚಿಂ ಸಂಯೋಜಕಿ ಶ್ರೀಮತಿ ಹಿಲ್ಡಾ ಮಿನೇಜಸ್, ಕಥೊಲಿಕ್ ಸಭಾ ಘಟಕ್ ಅಧ್ಯಕ್ಷ್ ಶ್ರೀಮಾನ್ ಗ್ಲೇನ್ ರೋಶನ್ ಡಿಕುನ್ಹಾ, ಕಾರ್ಯದರ್ಶಿ ಶ್ರೀಮಾನ್ ಮೆಲ್ವಿನ್ ಡಿಸೋಜ ಹಜಾರ್ ಆಸ್'ಲ್ಲಿಂ. ಮಾಗ್ಣ್ಯಾ ಗೀತಾ ದ್ವಾರಿ ಕಾರ್ಯಾಚೆರ್ ದೆವಾಚೊ ಆಶೀರ್ವಾದ್ ಮಾಗ್ಲೊ. ಕಥೊಲಿಕ್ ಸಭಾ ಗುರ್ಪುರ್ ಘಟಕಾಚೊ ಅಧ್ಯಕ್ಷ್ ಶ್ರೀಮಾನ್ ಗ್ಲೇನ್ ರೋಶನ್ ಡಿಕುನ್ಹಾ ಹಾಣಿಂ ಜಮ್ಲೆಲ್ಯಾ ಸರ್ವಾಂಕ್ ಬರೊ ಎವ್ಕಾರ್ ಮಾಗ್ಲೊ. ವೆದಿರ್ ಆಸ್ಲ್ಯಾ ಮಾನಾಚಾ ಸಯ್ರ್ಯಾಂನಿಂ ದಿವೊ ಪೆಟೊವ್ಚ್ಯಾ ಮಾರಿಫಾತ್ ಕಾರ್ಯಾಚೆಂ ಉದ್ಘಾಟನ್ ಕೆಲೆಂ. ವಿಗಾರ್ ಬಾಪಾನಿಂ ಭುರ್ಗ್ಯಾಂಕ್ ಉದ್ದೇಶಿಸುನ್ ಆಪ್ಲೊ ಸಂದೇಶ್ ದಿಲೊ. ಡಾಕ್ಟರೇಟ್ ಸನದ್ ಆಪ್ಣಯೆಲ್ಯಾ ಜೈಸನ್ ಜೀವನ್ ಸಿಕ್ವೇರಾಕ್ ಸನ್ಮಾನ್ ಕಾರ್ಯೆಂ ಚಲವ್ನ್ ವೆಲೆಂ. ವೆದಿರ್ ಆಸ್ಲ್ಯಾ ಮಾನಾಚಾ ಸಯ್ರ್ಯಾಂನಿಂ ಶಾಲ್ ಪಾಂಗ್ರೊನ್, ಝಡ್, ಯಾದಿಸ್ತಿಕಾ, ಗುಲೊಬ್ ದೀವ್ನ್ ಸನ್ಮಾನ್ ಕೆಲೊ. ಸನ್ಮಾನಿತ್ ಡಾ.ಜೈಸನ್ ಜೀವನ್ ಸಿಕ್ವೇರಾ ಹಾಣೆಂ ಆಪ್ಲಿಂ ಅನ್ಭೋಗ್ ಹಜಾರ್ ಆಸ್ಲ್ಯಾ ಸವೆಂ ವಾಂಟುನ್ ಘೆವ್ನ್ ಹ್ಯಾ ಕಾರ್ಯಾಂಕ್ ಬರೆಂ ಮಾಗ್ಲೆಂ. ಹೆಂ ಕಾರ್ಯೆಂ ಶ್ರೀಮತಿ ಪ್ರವೀಣಾ ಡಿಸಿಲ್ವಾ ಹಿಣೆಂ ಚಲವ್ನ್ ವೆಲೆಂ. ಮಂಗ್ಳುರ್ ದಿಯೆಸೆಜಿನ್ ಚಲವ್ನ್ ವೆಲ್ಲ್ಯಾ ಸಾತ್ವಿ ಆನಿ ಧಾವಿ ದೊತೊರ್ನಿಚ್ಯಾ ಪರೀಕ್ಷೆಂತ್ A+ ಆಪ್ಣಾಯ್ಲ್ಯಾ ಭುರ್ಗ್ಯಾಂಕ್ ವಿಗಾರ್ ಬಾಪಾನಿಂ ಇನಾಮಾಂ ದಿಲಿ. ಶ್ರೀಮಾನ್ ರಾಜೇಶ್ ನೊರೊನ್ಹಾ ಹಾಣಿಂ ನಾಂವಾಂ ವಾಚುನ್ ಸಾಂಗ್ಲೆಂ. ಧಾವೆಂತ್ 80% ಆನಿ ಪಿ.ಯು.ಸಿಂತ್ 75% ಅಂತಿಮ್ ಪರೀಕ್ಷೆಂತ್ ಚಡಿತ್ ಅಂಕ್ ಆಪ್ಣಾಯ್ಲ್ಯಾ ಭುರ್ಗ್ಯಾಂಕ್ ಶ್ರೀಮಾನ್ ಜೊನ್ಸನ್ ಲೋಬೊ ಹಾಣಿಂ ಯಾದಿಸ್ತಿಕಾ ದೀವ್ನ್ ಸನ್ಮಾನ್ ಕೆಲೊ. ಹಾಂಚಿ ನಾಂವಾಂ ಶ್ರೀಮತಿ ಡೊರೊತಿ ಪೇರಿಸಾನ್ ವಾಚುನ್ ಸಾಂಗ್ಲೆಂ. ಪದ್ವಿ ಆನಿ ವೃತ್ತಿಪರ್ ಶಿಕ್ಷಣಾಂತ್ 65% ಆನಿ ಚಡಿತ್ ಅಂಕ್ ಆಪ್ಣಾಯ್ಲೆಲ್ಯಾಂಕ್ ಶ್ರೀಮತಿ ಹಿಲ್ಡಾ ಮಿನೇಜಸ್ ಹಿಣೆಂ ಯಾದಿಸ್ತಿಕಾ ದೀವ್ನ್ ಸನ್ಮಾನ್ ಕೆಲೊ. ಹಾಂಚಿ ನಾಂವಾಂ ಶ್ರೀಮತಿ ಸಿಲ್ವಿಯಾ ರೊಡ್ರಿಗಸಾನ್ ವಾಚುನ್ ಸಾಂಗ್ಲೆಂ. ಕಥೊಲಿಕ್ ಸಭೆನ್ ಚಲವ್ನ್ ವೆಲ್ಲ್ಯಾ ಭಾಷಣ್ ಸ್ಪರ್ಧ್ಯಾಂತ್ ಇನಾಮಾಂ ಆಪ್ಣಾಯ್ಲ್ಯಾಂಕ್ ಶ್ರೀಮಾನ್ ರೋಮಾನ್ಸ್ ಲೋಬೊ ಹಾಣಿಂ ಯಾದಿಸ್ತಿಕಾ ದೀವ್ನ್ ಸನ್ಮಾನ್ ಕೆಲೊ. ಹಾಂಚಿ ನಾಂವಾಂ ಶ್ರೀಮತಿ ಶಾಂತಿ ಕುವೆಲ್ಲೊ ಹಿಣಿಂ ವಾಚುನ್ ಸಾಂಗ್ಲೆಂ. ಶ್ರೀಮಾನ್ ರೋಮಾನ್ಸ್ ಲೋಬೊ ಹಾಣಿಂ ಭುರ್ಗ್ಯಾಂಕ್ ಉದ್ದೇಶಿಸುನ್ ಆಪ್ಲೊ ಸಂದೇಶ್ ದಿಲೊ. ಉಪ್ರಾಂತ್ ಶ್ರೀಮತಿ ಸಿಲ್ವಿಯಾ ರೊಡ್ರಿಗಸ್ ಆನಿ ಅಧ್ಯಕ್ಷನ್ ಮನೊರಂಜನಾಚೆಂ ತೀನ್ ಖೆಳ್ ಖೆಳೆಯ್ಲೆಂ. ಜಿಕ್ಲೆಲ್ಯಾಂಕ್ ಮುಖೆಲ್ ಸಯ್ರೊಂ ಡಾ. ಜೈಸನ್ ಜೀವನ್ ಸಿಕ್ವೇರಾ ಹಾಣಿಂ ಇನಾಮಾಂ ದಿಲಿಂ. ಕಥೊಲಿಕ್ ಸಭಾ ಘಟಕ್ ಕಾರ್ಯದರ್ಶಿ ಶ್ರೀಮಾನ್ ಮೆಲ್ವಿನ್ ಡಿಸೋಜನ್ ಪ್ರತ್ಯಕ್ಷ್ ವಾ ಪರೋಕ್ಷ್ ರಿತಿನ್ ಸಹಕರ್ ದಿಲ್ಲ್ಯಾ ಸರ್ವಾಂಚೊ ಉಪ್ಕಾರ್ ಬಾವುಡ್ಲೊ. ಶ್ರೀಮತಿ ಜ್ಯೋತಿ ಲೂವಿಸ್ ಹಿಣೆಂ ಭೋವ್ ಅಪುರ್ಬಾಯೆನ್ ಕಾರ್ಯೆಂ ನಿರ್ವಾಹಣ್ ಚಲವ್ನ್ ವೆಲೆಂ. ಸೊಮ್ಯಾಕ್ ಧಿನ್ವಾಸುಯಾಂ ಅರ್ಗಾಂ ಗೀತ್ ಗಾವ್ನ್, ಏಕ್ ಗ್ರೂಪ್ ತಸ್ವೀರಾಕ್ ಸಾಂಗಾತಾ ಮೆಳೊನ್, ಕಾಫಿ ಫಳ್ಹಾರ್ ಸೆಂವ್ಚಾ ಸವೆಂ ಪ್ರತಿಭಾ ಪುರಾಸ್ಕರ್ ಕಾರ್ಯೆಂ ಸಂಪ್ಲೆಂ. ಕುಮಾರಿ ಟೀನಾ ಡಿಕುನ್ಹಾನ್ ತಸ್ವಿರ್ಯೊ ಕಾಡ್ನ್ ಸಹಕರ್ಸಿಲೆಂ.