ಮಿಸಾಂವ್ ಆಯ್ತಾರ್ - 2024

ಅಕ್ಟೋಬರ್ ಮಹಿನ್ಯಾಚಾ 20 ತಾರಿಕೆರ್ ಆಯ್ತಾರಾ ಸಕಾಳಿಂಚಾ ಮಿಸಾರ್ ಮಿಸಾಂವ್ ಆಯ್ತಾರ್ ಆಚರಣ್ ಕೆಲೊ. ಫಿರ್ಗಜ್ ವಿಗಾರ್ ಭೋವ್ ಮಾ.ಬಾ.ರುಡೋಲ್ಫ್ ರವಿ ಡೆಸಾ ಬಾಪಾಂನಿ ಮಿಸಾಚೆಂ ಪವಿತ್ರ್ ಬಲಿದಾನ್ ಭೆಟಯ್ಲೆಂ ಆನಿ ದಿಯೊಕಾನ್ ಬಾಪ್ ವಿಕಾಸ್ ಪಿರೇರಾ ಹಾಣಿಂ ಮಿಸಾಚೆಂ ಸಹ ಭೆಟವ್ಣಿ ಕೆಲಿ. ವಿಗಾರ್ ಬಾಪಾಂನಿ ಮಿಸಾಂವಾ ವಿಷ್ಯಾಂತ್ ಸವಿಸ್ತಾರ್ ರಿತಿನ್ ಥೊಡ್ಯಾ ದೃಷ್ಟಾಂತರಾ ಮುಖಾಂತ್ರ್ ತಿಳ್ಸೊನ್ ಆಮಿ ಆಮ್ಕಾಂ ಹರ್ಯೇಕ್ಲ್ಯಾಂಕ್ ಯಾಜಕೀ ರಾಯಾಳ್ ಆನಿ ಪ್ರವಾದ್ಪ್'ಣಾಚೆ ಮಿಸಾಂವ್ ಆಸಾ. ಆಮ್ಚೆಂ ಮಿಸಾಂವ್ ಎಕಾ ದೀಸ್ ಸೀಮಿತ್ ಜಾಯ್ನಾಂಸ್ತಾಂ ಹರ್ಯೆಕ್ಲಾಂನಿ ಆಮಿ ಗರ್ಜೆವಂತಾ ಥಂಯ್ ಅನ್ಯೇಕ್ ಕ್ರೀಸ್ತಾಕ್ ದೆಖೊನ್ ತ್ಯಾಗ್ ಆನಿ ಕುಮೊಕ್ ಕರ್ನ್, ಮಿಸಾಂವ್ ವಾವ್ರಾಕ್ ಪ್ರೋತ್ಸಾಹ್ ದೀವ್ನ್ , ಭುರ್ಗ್ಯಾಂನಿ ದೇವ್ ಆಪವ್ಣ್ಯಾ ಥಂಯ್ ಆಸಕ್ತ್ ದಾಕಯಿಲ್ಯಾರ್ ವ್ಹಡಿಲಾಂನಿ ಪ್ರೋತ್ಸಾಹ್ ದೀವ್ನ್ ಆನಿ ಮಿಸಾಂವಾಂತ್ ಆಮ್ಚಿ ಜವಾಬ್ದಾರಿ ಕಿತೆಂ ಮ್ಹಳ್ಳೆ ಮಿಸಾಂವಾ ಖಾತಿರ್ ಆಮಿಂ ಕಿತೆಂ ಕರ್ಯೆತ್‌ ಮ್ಹುಣ್ ಅರ್ಥಭರಿತ್ ರಿತಿನ್ ಪ್ರವಚನ್ ದಿಲೊ.

ದೇವ್ ಸ್ತುತಿ-ಸುವಾರ್ತಾ-ಪರ್ಗಟ್ಣಿ ಆಯೋಗಾನ್ ಲಿತುರ್ಜಿ ಚಲವ್ನ್ ವ್ಹೆಲಿ. ಉಪ್ರಾಂತ್ ವಿಗಾರ್ ಮಾ.ಬಾ ರುಡೋಲ್ಪ್ ರವಿ ಡೆಸಾ, ಫಿ.ಗೊ.ಪ ಉಪಾಧ್ಯಕ್ಷ್ ಶ್ರೀಮಾನ್ ರೋಮಾನ್ಸ್ ಲೋಬೊ ಆನಿ ಕಾರ್ಯದರ್ಶಿ ಶ್ರೀಮಾನ್ ಜೊನ್ಸನ್ ಲೋಬೊ ಹಾಣಿಂ ಸಾಂಗಾತಾ ಮೆಳೊವ್ನ್ ಕಾಣಿಕೆಚಾ ಪುರ್ಶಾಂವಾರ್ ಆಯಿಲ್ಯೊ ವಸ್ತು ಆನಿ ವರ್ವಿಚೆ ಎಲಾಂ ಚಲವ್ನ್ ವ್ಹೆಲೆಂ. ಫಿರ್ಗಜ್ಗಾರಾಂನಿ ವರ್ವಿಂ ಕಾಣ್ಘೆವ್ನ್ ಸಹಕರ್ಸಿಲೆಂ.

ಆಯೋಗಾಂಚಿ ಸಂಯೋಜಕಿ ಶ್ರೀಮತಿ ಹಿಲ್ಡಾ ಮಿನೇಜಸ್ ಆನಿ ಸಂಚಾಲಕ್ ಶ್ರೀಮತಿ ಲಿನೆಟ್ ಮೊಂತೇರೊ ಹಾಣಿಂ ಎಲಾಂ ಥಾವ್ನ್ ಆಯಿಲ್ಯಾ ವರ್ವೆಚ್ಯಾ ಐವಾಜಾಚೆ ಲೇಕ್ ಬರವ್ನ್ ಸಹಕರ್ಸಿಲೆಂ. ಸಾಕ್ಸ್ ಆಯೋಗ್ ಪಂಗಡ್ ಹಾಂಚೊ ಸಂಚಾಲಕ್ ಮಾನೇಸ್ತ್ ಗ್ಲೆನ್ ರೋಶನ್ ಡಿಕುನ್ಹಾ ಹಾಣಿಂ ತಸ್ವೀರ್ ಕಾಡ್ನ್ ಸಹಕರ್ಸಿಲೆಂ. ಸರ್ವ್ ಫಿರ್ಗಜ್ಗಾರಾಂಚ್ಯಾ ಸಹಕರಾನ್ ಮಿಸಾಂವ್ ಆಯ್ತಾರ್ ಯಶಸ್ವಿ ಜಾಲೊ.