Our Lady of Pompei Church logo

ಗುರ್ಪುರ್ ವಾಡ್ಯಾಚೆಂ ಯಾತ್ರಿಕ್ ಪಯ್ಣ್

Gurpur Ward Pilgrimage

ಫಾತಿಮಾ ಮಾಯೆಕ್ ಸಮರ್ಪುನ್ ದಿಲ್ಲ್ಯಾ ಗುರ್ಪುರ್ ವಾಡ್ಯಾಚೆಂ ಯಾತ್ರಿಕ್ ಪಯ್ಣಾಕ್ ತಯಾರಾಯ್ ಜಾವ್ನ್ ಜನರೆಚ್ಯಾ 18 ತಾರಿಕೆರ್ 5.30 ವ್ಹರಾರ್ ಮಾನೆಸ್ತ್ ಜೋನ್‌ ಬ್ಯಾಪ್ತಿಸ್ಟ್ ಸಲ್ಡಾನ್ಹಾಚ್ಯಾ ಘರಾ ಫಾತಿಮಾ ಮಾಯೆಕ್ ಮಾನ್ ಕರ್ನ್ ತೇರ್ಸ್ ಕರುನ್, ಕಾತಾರಾಂ ಗಾವ್ನ್ ಫಾತಿಮಾ ಮಾಯೆಚಿ ಸಸಾಯ್ ಮಾಗ್ಲಿಂ. ಜನರೆಚ್ಯಾ 19 ತಾರಿಕೆರ್ ಆಯ್ತಾರಾ ಸಕಾಳಿಂಚ್ಯಾ ಫೆಸ್ತ್ ಮಿಸಾಚ್ಯಾ ಲಿತುರ್ಜಿತ್ ಭಾಗ್ ಘೆವ್ನ್ ಪವಿತ್ರ್ ಬಲಿದಾನಾಂತ್ ವಾಟೆಲಿಂ ಜಾಲ್ಯಾಂವ್. ಉಪ್ರಾಂತ್ ಪೊಂಪೈ ಸಭಾ ಭವನ್ ಮುಖಾರ್ ಆಸಾ ಕೆಲೊ ಕಾಫಿ ಫಳ್ಹಾರ್ ಸೆವ್ನ್ 10.00 ವ್ಹರಾರ್ ಆಮ್ಚೆಂ ಪಯ್ಣ್ ಸುರ್ವಾತಿಲೆಂ. ಪಯ್ಣ್ ಶಾಭಿತಾಯೆನ್ ಜಾಂವ್ಚ್ಯಾಕ್ ಪೊಂಪೈ ಮಾಯೆಚೊ ತಶೆಂಚ್ ಫಾತಿಮಾ ಮಾಯೆಚೊ ಆಧಾರ್ ಮಾಗೊನ್ ತೇರ್ಸ್ ಕೆಲೊ. ಉಪ್ರಾಂತ್ ಪೆರಂಪಳ್ಳಿ ಇಗರ್ಜೆಕ್ ಪಾವ್ಲ್ಯಾಂವ್ ತೆದ್ವಾಂ ಥಂಯ್'ಚೊ ವಿಗಾರ್ ಬಾಪ್ ವಿಶಾಲ್ ಲೋಬೊ ಹಾಣಿಂ ಬರೊ ಸ್ವಾಗತ್ ದಿಲೊ. ಸಾಂಗಾತಾಚ್ ಏಕ್ ಗ್ರೂಪ್ ತಸ್ವೀರೆಕ್ ಸಾಂಗಾತ್ ದಿಲೊ. ಉಪ್ರಾಂತ್ ಇಗರ್ಜೆ ಭಿತರ್ ದೈವಿಕ್ ಕಾಕುಳ್ತಿಚೊ ತೇರ್ಸ್ ಭೆಟೆಯ್ಲೊಂ. ಲೂಕಾಚೊ ವಾಜೆಲ್ "ಮರಿಯೆಚಿ ಸುತ್ತಿ ಗಾಯಾನ್" ಮ್ಹಳ್ಳೊ ವಾಚಪ್ ಪರ್ಗಟ್ಲೊಂ. ಉಪ್ರಾಂತ್ ಥಂಯ್ಸರ್ ಆಸ್ಚ್ಯಾ ಸಭಾ ಭವನಾಂತ್ ಮಟ್ಟೆಂ ಕಾರ್ಯೆಂ ಆಸಾ ಕೆಲೆ. ಗುರ್ಕಾರ್ ಮೆಲ್ವಿನ್ ಸಲ್ಡಾನ್ಹಾನ್ ಜಮ್ಲೆಲ್ಯಾ ಸರ್ವಾಂಕ್ ಸ್ವಾಗತ್ ಕೆಲೊ. ಕಾರ್ಯದರ್ಶಿ ಅನಿಲ್ ಸಲ್ಡಾನ್ಹಾನ್ 2024 ವ್ಯಾ ವರ್ಸಾಚೆಂ ವರ್ದೆಚಿಂ ಜಳಕ್ ದಿಲಿ. ಸಗ್ಳೊಂ ವರ್ಸ್ ಭರ್ ವಾಡ್ಯಾ ಜಮಾತೆಕ್ ಹಾಜರ್ ಜಾಲ್ಲ್ಯಾಕ್ ಪಯ್ಲೆಂ, ದುಸ್ರೆಂ ಆನಿ ಭುಜವನಾಚೆಂ ಇನಾಮಾಂ ದೀವ್ನ್ ಭುರ್ಗ್ಯಾಂಕ್ ಶಭಾಸ್ಕಿಂ ಪಾಟಯ್ಲಿಂ. ತಶೆಂಚ್ ಯಾತ್ರಿಕ್ ಪಯ್ಣಾಚೆಂ ಲಕ್ಕಿ ಕುಟಾಮ್ ಜಾವ್ನ್ ಶ್ರೀಮಾನ್ ಅಂಬ್ರೋಸ್ ಲೋಬೊ ಆನಿ ಕುಟಾಮ್ ವಿಂಚುನ್ ಆಯ್ಲೆಂ. ಗುರ್ಕಾರಾನ್ ತ್ಯಾ ದಿಸಾಚ್ಯಾ ವಾಜೆಲಾಂ ವಯ್ರ್ ಕ್ವಿಜ್ ಮಾಂಡುನ್ ಹಾಡ್ಲೊಂ. ತಶೆಂಚ್ ಹೌಸಿ- ಹೌಸಿ ಖೆಳ್ ಖೆಳೊನ್ ಸರ್ವ್ ವಿಜೇತಾಕ್ ಬಹುಮಾನಾ ವಿತರಣ್ ಕೆಲೆಂ. ಉಪ್ರಾಂತ್ ಜೆವ್ಣಾಂಚೆರ್ ದೆವಾಚೊ ಆಶೀರ್ವಾದ್ ಮಾಗೊನ್ ವಾಡ್ಯಾಗಾರಾಂ ಸಾಂಗಾತಾ ಜೆವಾಣ್ ಸೆವ್ನ್ ಥಂಯ್ಸರ್ ಆಸ್ಚ್ಯಾ ಗ್ರೊಟ್ಯಾ ಮುಖಾರ್ ಮಾಗ್ಣೆಂ ಕರ್ನ್, ಮುಕ್ಲ್ಯಾ ಕಲ್ಮಾಡಿ ಇಗರ್ಜೆಕ್ ಪಯ್ಣ್ ಆರಂಭ್ ಕೆಲೆ. ಥಂಯ್ಸರ್ ವೆಲಂಕಣಿ ಸಾಯ್ಭಿಣಿ ಕಡೆ ಮಾಗ್ಣೆಂ ಕರ್ನ್ ಥೊಡೊ ವೇಳ್ ಥಂಯ್ಸರ್ ಖರ್ಚಿಲೊ. ಉಪ್ರಾಂತ್ ಮಲ್ಪೆ ಪಾರ್ಕ್ ಆನಿ ದರ್ಯಾತಡಿರ್ ವಚೊನ್ ಥೊಡೊ ವೇಳ್ ಖರ್ಚಿಲೊ. ಆನಿ 6.00 ವ್ಹರಾರ್ ಪಾಟಿ ಯೇಂವ್ಕ್ ಬಾಯ್ರ್ ಸರ್ಲ್ಯಾಂವ್. ಉಪ್ರಾಂತ್ ಸರ್ವಾಂನಿ ಐಸ್ ಕ್ರೀಮ್ ಸೆಂವ್ನ್ ಯಾತ್ರಿಕ್ ಪಯ್ಣಾಕ್ ಆಧಾರ್ ದಿಲ್ಲ್ಯಾ ಪೊಂಪೈ ಮಾಯೆಕ್ ಆನಿ ಫಾತಿಮಾ ಮಾಯೆಕ್ ಅರ್ಗಾಂ ದೀಂವ್ನ್ ಆಮ್ಮರಿ ಕರ್ನ್ ಉಪ್ರಾಂತ್ ಡ್ಯಾನ್ಸ್ ಕರ್ನ್ ಶಾಭಿತಾಯೆನ್ ಆನಿ ಭೋವ್ ಸಂತೊಸಾನ್ ಘರಾ ಪಾವ್ಲ್ಯಾಂವ್. ಹ್ಯಾ ಯಾತ್ರಿಕ್ ಪಯ್ಣಾಕ್ 20 ಕುಟ್ಮಾಂ ಥಾವ್ನ್ 46 ಸಾಂದೆ ಹಾಜರ್ ಆಸ್ಲೆಂ.