ವಾಹನಾಂ ಬೆಂಜಾರ್ - 2024

ಪೊಂಪೈ ಮಾಯೆಕ್ ಸಮರ್ಪುನ್ ದಿಲ್ಲ್ಯಾ ಫಿಗರ್ಜೆಂತ್ ಆಜ್ (ಅಕ್ಟೋಬರ್ 13, ಆಯ್ತಾರ್) ಸಕಾಳಿಂಚಾ ಮಿಸಾ ಉಪ್ರಾಂತ್ ಫಿರ್ಗಜ್'ಗಾರಾಂಚಿ ವಾಹನಾಂ ಬೆಂಜಾರ್ ಕರ್ಚೆಂ ಕಾರ್ಯೆಂ ಚಲ್ಲೆಂ. ಫಿರ್ಗಜ್ ವಿಗಾರ್ ಭೊIಮಾ। ರುಡೋಲ್ಫ್ ರವಿ ಡೆಸಾ ಬಾಪಾಂನಿ, ಮಾ।ಬಾ।ದೊI ಪಿಯುಸ್ ಫಿದೆಲಿಸ್ ಪಿಂಟೊ, ದಿಯಾಕೊನ್ ಬಾಪ್ ವಿಕಾಸ್ ಪಿರೇರಾ ಹಾಂಚೆ ಸಂಗಿ ಫಿರ್ಗಜ್‌ಗಾರಾಂಚ್ಯಾ ವಾಹನಾಂಚೆರ್ ದೆವಾಚೊ ಆಶೀರ್ವಾದ್ ಮಾಗೊನ್ ಬೆಂಜಾರ್ ಕೆಲಿಂ. ಗೊವ್ಳಿಕ್ ಪರಿಷದ್ ಕಾರ್ಯದರ್ಶಿ ಮಾನೆಸ್ತ್ ಜೊನ್ಸನ್ ಲೋಬೊ ಆನಿ ವಾಡ್ಯಾಂಚ್ಯಾ ಗುರ್ಕಾರಾಂನಿ ಸಹಕಾರ್ ದಿಲೊ. ಗೊವ್ಳಿಕ್ ಪರಿಷದ್ ಉಪಾಧ್ಯಕ್ಷ್ ಮಾನೆಸ್ತ್ ರೋಮನ್ಸ್ ಲೋಬೊನ್ ಕಾರ್ಯೆಂ ಚಲವ್ನ್ ವೆಲೆಂ. ಹಾಜರ್ ಆಸ್'ಲ್ಲ್ಯಾ ಸರ್ವಾಂಕ್ ಗೊಡ್ಶೆಂ ವಾಂಟ್ಲೆಂ. ಸರ್ವ್ ಫಿರ್ಗಜ್‌ಗಾರಾಂನಿ ತಾಂಚಿ ವಾಹನಾಂ ಭೋವ್ ಶಿಸ್ತೆನ್ ರಾವೊವ್ನ್ ಸಹಕಾರ್ ದಿಲೊ.