ಸೊಮ್ಯಾ ಸಾಂಗಾತಾ ಧಾ ವೊರಾಂ

ದೇವ್ ಸ್ತುತಿ-ಸುವಾರ್ತಾ-ಪರ್ಗಟ್ಣಿ ಆಯೋಗ್ ಪಂಗ್ಡಾನ್ ಅಕ್ಟೋಬರ್ ಮಹಿನ್ಯಾಚಾ 11 ತಾರಿಕೆರ್ ಸಕಾಳಿಂ 8.00 ವೊರಾಂ ಥಾವ್ನ್ ಸೊಮ್ಯಾ ಸಾಂಗಾತಾ ಧಾ ವೊರಾಂ ನಿರಂತರ್ ಆರಾಧಾನ್ ಆನಿ ಮಾಗ್ಣೆಂ ವಾಡ್ಯಾವಾರ್ ಮಾಂಡುನ್ ಹಾಡ್ಲೆ. ಧಾ ವಾಡ್ಯಾಚಾ ಗುರ್ಕಾರಾಂಚಾ ಆನಿ ಸಂಘ್ ಸಂಸ್ಥ್ಯಾಂಚಾ ಅಧ್ಯಕ್ಷಾಂಚಾ ಮುಖೇಲ್ಪಣಾನ್ ನಮಿಯಾರ್ಲ್ಯಾ ವೆಳಾರ್ ಸರ್ವಾಂ ಸಾಂಗಾತಾ ಯೇವ್ನ್, ತಶೆಂಚ್ ಪೊಂಪೈ ಆನಿ ರೋಸಾ ಮಿಸ್ತಿಕಾ ಕೊವೆಂತ್ ಧರ್ಮ್ ಭಯ್ಣಿಂ ಹಾಜರ್ ಜಾವ್ನ್ ಭೋವ್ ಭಕ್ತಿಪಣಾನ್ ಆರಾಧಾನ್ ಚಲವ್ನ್ ವ್ಹೆಲೆಂ. ಉಪ್ರಾಂತ್ ಸಾಂಜೆರ್ 5.00 ವೊರಾರ್ ಫಿರ್ಗಜ್ ವಿಗಾರ್ ಭೋವ್ ಮಾIಬಾIರುಡೋಲ್ಫ್ ರವಿ ಡೆಸಾ ಹಾಣಿಂ ಥೊಡೊ ವೇಳ್ ಅರ್ಗಾಂ ಸ್ತುತಿ ಸವೆಂ ಸರ್ವ್ ಫಿರ್ಗಜ್ ಗಾರಾಂ ಖಾತಿರ್ ಮಾಗ್ಣೆಂ ಭೆಟವ್ನ್ ಸಾಕ್ರಾಮೆಂತಾಚೊ ಆಶೀರ್ವಾದ್ ದಿಲೊ. ಉಪ್ರಾಂತ್ ವಿಗಾರ್ ಬಾಪ್ ರುಡೋಲ್ಫ್ ರವಿ ಡೆಸಾ ಹಾಣಿಂ ಪವಿತ್ರ್ ಮಿಸಾಚೆ ಬಲಿದಾನ್ ಭೆಟಯ್ಲೆಂ. ಫಿರ್ಗಜ್ಗಾರ್ ಯಾಜಕ್ ಮಾ.ಬಾ. ರೋಹನ್ ಮಿರಾಂದಾ ಆನಿ ದಿಯೊಕಾನ್ ಬಾಪ್ ವಿಕಾಸ್ ಪಿರೇರಾ ಹಾಣಿಂ ‌ಮಿಸಾಚೆಂ ಸಹ ಭೆಟವ್ಣಿ ಕೆಲಿಂ. ಆಮಿಂ ಸರ್ವಾಂನಿ ಪ್ರಥ್ವಿಚೆ ಮೀಟ್ ಆನಿ ಸಂಸಾರಾಚೊ ಉಜ್ವಾಡ್ ಜಾವ್ನ್ ಜಿಯೆಜಾಯ್ ಮ್ಹಣ್ ಭೋವ್ ಅಪುರ್ಬಾಯೆನ್ ದೆವಾಚಾ ಉತ್ರಾ ವಯ್ರ್ ನಿಯಾಳ್ ದಿಲೊ. ಹರ್ಯೆಕಾ ವಾಡ್ಯಾಚಾ ಗುರ್ಕಾರಾಂನಿ, ಪ್ರತಿನಿಧಿನಿ, ಸಂಘ್ ಸಂಸ್ಥ್ಯಾಂಚಾ ಅಧ್ಯಕ್ಷಾಂನಿ ಸಾಂಗಾತಾ ಮೆಳೊವ್ನ್ ಆರಾಧಾನಾಚಿ ಬೊರಿ ತಯಾರಾಯ್ ಕರ್ನ್ ಭೋವ್ ಭಕ್ತಿಪಣಾನ್ ಆರಾಧಾನ್ ಚಲವ್ನ್ ವ್ಹೆಲಾಂ ಮ್ಹಣ್ ಸರ್ವಾಂಕ್ ಹೊಗ್ಳಿಕ್ ಉಚಾರ್ನ್ ಹಾಜರ್ ಜಾಲ್ಲ್ಯಾ ಸರ್ವಾಂಚೊ ಉಪ್ಕಾರ್ ಭಾವುಡ್ಲೊ. ಲಗ್ಬಕ್ 550 ಫಿರ್ಗಜ್ಗಾರಾಂನಿ ಆರಾಧಾನಾಂತ್ ಭಾಗ್ ಘೆವ್ನ್ ದೆವಾಚೊ ಆಶೀರ್ವಾದ್ ‌ಜೋಡ್ನ್ ಘೆತ್ಲೊ.