76 ವೊ ಗಣರಾಜ್ಯೋತ್ಸವ್ ಆಚರಣ್

ಜನೆರ್ ಮಹಿನಾಚ್ಯಾ 26 ವೆರ್ ಆಯ್ತಾರಾ ಸಕಾಳಿಂಚಾ ಮಿಸಾ ಉಪ್ರಾಂತ್ ಇಗರ್ಜೆಚ್ಯಾ ಮೈದಾನರ್ ದೇಶಾಚೊ ಬಾವ್ಟೊ ಉಬೊವ್ನ್ 76 ವೊ ಗಣರಾಜ್ಯೋತ್ಸವ್ ಆಚರಣ್ ಕೆಲೊ. ಫಿರ್ಗಜ್ ಗೊವ್ಳಿಕ್ ಪರಿಷದ್ ಉಪಾಧ್ಯಕ್ಷ್ ಮಾನೇಸ್ತ್ ರೋಮಾನ್ಸ್ ಲೋಬೊನ್ ಗಣರಾಜ್ಯೋತ್ಸವ ವಿಶಿಂ ಪ್ರಸ್ತಾವಿಕ್ ಜಾವ್ನ್ ಉಲೊವ್ನ್ ಹಾಜರ್ ಆಸ್'ಲ್ಲ್ಯಾ ಸರ್ವಾಂಕ್ ಸ್ವಾಗತ್ ಮಾಗೊನ್ ಕಾರ್ಯೆಂ ಚಲೊವ್ನ್ ವೆಲೆಂ. ಫಿರ್ಗಜ್ ವಿಗಾರ್ ಭೊ। ಮಾ। ಬಾ। ರುಡೊಲ್ಫ್ ರವಿ ಡೆಸಾ ಹಾಣಿಂ ದೇಶಾಚೊ ಬಾವ್ಟೊ ಉಬೊವ್ನ್ ಸರ್ವಾಂಕ್ ಗಣರಾಜ್ಯೋತ್ಸವಾಚೆ ಉಲ್ಲಾಸ್ ಪಾಟಯ್ಲೆ. ಭಾರತ್ ದೇಶಾ ವಯ್ರ್ ಅಭಿಮಾನ್ ಚಡವ್ನ್, ಸಂವಿಧಾನಾಕ್ ಮಾನ್ ದಿವ್ನ್ ತೆಂ ರಾಕೊನ್ ವ್ಹರುಂಕ್ ಉಲೊ ದಿಲೊ ಆನಿ ಅಪುರ್ಬಾಯೆಚೆಂ ದೇಶ್ ಭಕ್ತಿ ಗೀತ್ ಗಾವ್ನ್ ಸರ್ವಾಂ ಥಂಯ್ ದೇಶಾಭಿಮಾನ್ ಜಾಗಯ್ಲೊ. ಫಿರ್ಗಜ್ ಗೊವ್ಳಿಕ್ ಪರಿಷದ್ ಕಾರ್ಯದರ್ಶಿ ಮಾನೇಸ್ತ್ ಜೊನ್ಸನ್ ಲೋಬೊನ್ ಹ್ಯಾ ಕಾರ್ಯಾಂತ್ ಭಾಗ್ ಘೆತ್'ಲ್ಲ್ಯಾ ಸರ್ವಾಂಚೊ ಉಪ್ಕಾರ್ ಬಾವುಡ್ಲೊ. ದಿಯಾಕೊನ್ ವಿಕಾಸ್ ಪಿರೇರಾ, ಪೊಂಪೈ ಕೊವೆಂತಾಚಿ ಸುಪೀರಿಯರ್ ಸಿ.ಜಯಾ, ಆಯೋಗಾಂಚಿ ಸಂಯೋಜಕಿ ಶ್ರೀಮತಿ ಹಿಲ್ಡಾ ಮಿನೇಜಸ್ ವೆದಿರ್ ಹಾಜರ್ ಆಸ್'ಲ್ಲಿಂ. ಸುಮಾರ್ 600 ಫಿರ್ಗಜ್‌ಗಾರಾಂನಿ ಹಾಂತು ಭಾಗ್ ಘೆತ್ಲೊ. ಹಾಜರ್ ಆಸ್'ಲ್ಲ್ಯಾ ಸರ್ವಾಂಕ್ ಗೊಡ್ಶೆಂ ವಾಂಟ್ಲೆಂ.