ಮಾಗ್ಣ್ಯಾ ಪಾನ್

ಮಾಗ್ಣ್ಯಾಕ್ ಆಮ್ಚೆ ಹಾತ್ ಜೊಡ್ಯಾಂ
ಬಾಪಾಚೆ | ಆನಿ ಪುತಾಚೆ | ಆನಿ ಪವಿತ್ರ್ ಅತ್ಮ್ಯಾಚೆ ನಾಂವಿಂ | ಆಮೆನ್.
ಆಮ್ಚ್ಯಾ ಬಾಪಾ
ಆಮ್ಚ್ಯಾ ಬಾಪಾ, ಸರ್ಗಿಂಚ್ಯಾ | ತುಜೆಂ ನಾಂವ್ ಪವಿತ್ರ್ ಜಾಂವ್ | ತುಜೆಂ ರಾಜ್ ಆಮ್ಕಾಂ ಯೆಂವ್ | ತುಜಿ ಖುಶಿ ಸರ್ಗಾರ್ ಜಾತಾ, | ತಶಿ ಸಂಸರಾಂತ್ ಜಾಂವ್. ಆಮ್ಚೊ ದಿಸ್ಪಡ್ತೊ ಗ್ರಾಸ್ ಆಜ್ ಆಮ್ಕಾಂ ದಿ, | ಆನಿ ಆಮಿ ಆಮ್ಚೆರ್ ಚುಕ್ಲೆಲ್ಲ್ಯಾಂಕ್ ಭಗ್ಶಿತಾಂವ್, | ತಶೆಂ ಆಮ್ಚಿಂ ಪಾತ್ಕಾಂ ಭಗಸ್, | ಆನಿ ಆಮ್ಕಾಂ ತಾಳ್ಣೆಂತ್ ಪಡುಂಕ್ ದಿಂವ್ ನಾಕಾ, | ಪೂಣ್ ವಾಯ್ಟಾಂತ್ಲಿಂ ಆಮ್ಕಾಂ ನಿವಾರ್ | ಆಮೆನ್.
ನಮಾನ್ ಮರಿಯೆ
ನಮಾನ್ ಮರಿಯೆ, ಕುರ್ಪೆನ್ ಭರ್ಲಲ್ಯೆ, | ಸೊಮಿ ತುಜ್ಯೆ ಸಾಂಗಾತಾ, | ಸ್ತ್ರಿಯಾಂ ಭಿತರ್ ತುಂ ಸದೆಂವ್, | ಅನಿ ಸದೆಂವಿ ಫಳ್ ತುಜ್ಯೆ ಕುಶಿಚೆಂ, ಜೆಜು.
ಭಾಗೆವಂತಿ ಮರಿಯೆ, ದೆವಾಚೆ ಮಾಯೆ, | ಅಮಾ ಪಾಪ್ಯಾಂ ಖಾತಿರ್ ವಿನತಿ ಕರ್, | ಆತಾಂ ಆನಿ ಆಮ್ಚ್ಯಾ ಮರ್ಣಾಚ್ಯೆ ಕಾಳಿಂ, | ಆಮೆನ್.
ಮಹಿಮಾ ಬಾಪಾಕ್
ಮಹಿಮಾ ಬಾಪಾಕ್ | ಆನಿ ಪುತಾಕ್ | ಆನಿ ಪವಿತ್ರ್ ಅತ್ಮ್ಯಾಕ್.
ಜಸೊ ಆದಿಂ | ತಸೊಚ್ ಆತಾಂ | ಆನಿ ಸದಾಂ ಸರ್ವದಾಂ | ಆಮೆನ್.
ಸಕಾಳಿಂಚಿ ಭೆಟವ್ಣಿ
ಏ ಜೆಜುಚಾ ದೈವಿಕ್ ಕಾಳ್ಜಾ | ಆಯ್ಚ್ಯಾ ದಿಸಾಚಿಂ ಸರ್ವ್ ಮ್ಹಜಿಂ ಮಾಗ್ಣಿಂ | ಕಾಮಾಂ ಆನಿಂ ಕಷ್ಟ್ | ಆಮ್ಚ್ಯಾ ಪಾತ್ಕಾಂಚಾ ಫಾರಿಕ್ಪಣಾ ಪಾಸತ್ | ಆನಿಂ ಆಲ್ತಾರಿಚ್ಯಾ ಭೋವ್ ಪವಿತ್ರ್ ಸಾಕ್ರಾಮೆಂತಾಂತ್ | ತುವೆಂ ತುಕಾಚ್ ಖಳಾನಾಸ್ತಾನಾ ಭೆಟಂವ್ಚ್ಯಾ | ಸಮೆಸ್ತ್ ಇರಾದ್ಯಾಂ ಪಾಸತ್ | ಭಾಗೆವಂತ್ ಆಂಕ್ವಾರ್ ಮರಿಯೆಚ್ಯಾ | ಖತಾವಿಣ್ ಕಾಳ್ಜಾ ಮಾರಿಫಾತ್ | ಹಾಂವ್ ತುಕಾ ಭೆಟಯ್ತಾಂ | ಪ್ರತ್ಯೇಕ್ ಜಾವ್ನ್ | ಮಾಗ್ಣ್ಯಾಚ್ಯಾ ಆಪೊಸ್ತಲಾದಿಚಾ ಇರಾದ್ಯಾಂ ಪಾಸತ್ | ಆನಿಂ ಪಾಪ್ ಸಾಯ್ಬಾನ್ ಹ್ಯಾ ಮಹಿನ್ಯಾಕ್ ದಾಕವ್ನ್ ದಿಲ್ಲ್ಯಾ | ಇರಾದ್ಯಾಂ ಪಾಸತ್ | ಹೆಂ ಸರ್ವ್ ಹಾಂವ್ ತುಕಾ ಭೆಟಯ್ತಾಂ.
ಸರ್ವ್ ತುಜೆ ಪಾಸತ್ | ಏ ಜೆಜುಚ್ಯಾ ಭೋವ್ ಪವಿತ್ರ್ ಕಾಳ್ಜಾ | ಏ ಜೆಜುಚ್ಯಾ ದೇವ್ ಕಾಳ್ಜಾ | ತುಜೆಂ ರಾಜ್ಯ್ ಯೇಂವ್ | ಆಯ್ಚ್ಯಾ ದಿಸಾಚ್ಯಾ ಮ್ಹಜ್ಯಾ ಮಾಗ್ಣ್ಯಾಂಕ್ | ಆನಿ ಬರ್ಯಾ ಕರ್ನ್ಯಾಂಕ್ ಮೆಳ್ಚಿ | ಸರ್ವ್ ಶಿಕ್ಷಾ-ಮಾಫಿ ಜೊಡುಂಕ್ | ಹಾಂವ್ ಖುಶಿ ವರ್ತಾಂ. ಸೊಮಿಯಾ ಜೆಜು | ತುಜ್ಯಾ ಭೋವ್ ದೈವಿಕ್ ಕಾಳ್ಜಾಚೆ ಸಸಾಯೆನ್ | ರಾಕ್ ಆಮ್ಚ್ಯಾ ಭೋವ್ ಭಾಗೆವಂತ್ ಪಾಪ್ ಸಾಯ್ಬಾಕ್ | ಜಾ ತುಂ ತಾಕಾ ಉಜ್ವಾಡ್ | ಘಟಾಯ್ ಆನಿಂ ಭುಜಾವಣ್.
ಮರಿಯೆಕ್ ಸಮರ್ಪಣ್
ಮ್ಹಜೆ ರಾಣಿಯೆ ಆನಿಂ ಮಾಯೆ | ಹಾಂವ್ ಮ್ಹಾಕಾ ಸಗ್ಳೊಚ್ ತುಕಾ ದಿತಾಂ | ಆನಿಂ ಮ್ಹಜೆಂ ಭಕ್ತಿಪಣ್ | ತುಜ್ಯೆ ಥಂಯ್ ದಾಕಂವ್ಚ್ಯಾಕ್ | ಆಯ್ಚ್ಯಾ ದಿಸಾ ಹಾಂವ್ ತುಕಾ ಸಮರ್ಪಿತಾಂ | ಮ್ಹಜೆ ದೊಳೆ, ಮ್ಹಜೆ ಕಾನ್ | ಮ್ಹಜೆಂ ತೊಂಡ್, ಮ್ಹಜೆಂ ಕಾಳಿಜ್ | ಆನಿಂ ಮ್ಹಾಕಾ ಸಗ್ಳೊಚ್ | ಕಾಂಯಿಂಚ್ ದವರಿನಾಸ್ತಾನಾ | ದೆಕುನ್, ಯೆ ಮೊಗಾಳಿ ಮಾಯೆ | ಹಾಂವ್ ತುಜೊ ಜಾಲ್ಲೆವರ್ವಿಂ | ರಾಕ್ ಆನಿಂ ಸಾಂಬಾಳ್ ಮ್ಹಾಕಾ | ತುಜಿಚ್ ಆಸ್ತ್ ಆನಿಂ ವಸ್ತ್ ಮ್ಹಳ್ಳ್ಯಾ ಪರಿಂ.
ಭಾವಾರ್ಥಾಚೆಂ ವಿಧಾನ್
ಸರ್ವೆಸ್ಪರಾ ದೆವಾ | ತುಂ ಎಕ್ಚ್ ದೇವ್ | ಆನಿಂ ಎಕಾ ದೆವಾ ಥಂಯ್ ತೇಗ್ ಜಣ್ | ಬಾಪ್, ಪೂತ್ ಆನಿಂ ಪವಿತ್ರ್ ಆತ್ಮೊ ಮ್ಹಣ್ | ಹಾಂವ್ ಥಿರ್ ಸತ್ಮಾನ್ತಾಂ | ತುಜೊ ದೈವಿಕ್ ಪೂತ್ ಮನಿಸ್ ಜಾಲೊ | ಆನಿಂ ಆಮ್ಚ್ಯಾ ಪಾತ್ಕಾಂ ಖಾತಿರ್ ಮೆಲೊ | ಆನಿಂ ಜಿವ್ಯಾಂಚಿ ಆನಿಂ ಮೆಲ್ಲ್ಯಾಂಚಿ | ಮುನ್ಸುಬಿ ಕರುಂಕ್ ಯೆತಲೊ ಮ್ಹಣ್ | ಹಾಂವ್ ಸತ್ಮಾನ್ತಾಂ | ಹಿಂ ಸತಾಂ | ಆನಿಂ ಕಥೊಲಿಕ್ ಪವಿತ್ರ್ ಸಭಾ ಶಿಕಯ್ತಾ | ತಿಂ ಸರ್ವ್ ಸತಾಂ | ಹಾಂವ್ ಸತ್ಮಾನ್ತಾಂ ಆನಿಂ ಉಚಾರ್ತಾಂ | ಕಿತ್ಯಾಕ್ ತುಂ ಸಾಸ್ಣಿಕ್ ಸತ್ | ಆನಿಂ ಜಾಣ್ವಾಯ್ | ಆನಿಂ ತುವೆಂ ತಿಂ ಉಗ್ಡಾಪಿಂ ಕೆಲ್ಯಾಂಯ್ | ತುಂ ಫಟಯ್ನಾಂಯ್ | ವಾ ಫಟ್ವೊನ್ ಪಡನಾಂಯ್ | ಹ್ಯಾ ಭಾವಾರ್ಥಾಂತ್ ಜಿಯೆಂವ್ಕ್ | ಆನಿಂ ಮರೊಂಕ್ | ಹಾಂವ್ ಖುಶಿ ವರ್ತಾಂ - ಆಮೆನ್.
ಭರ್ವಶ್ಯಾಚೆಂ ವಿಧಾನ್
ಸರ್ವೆಸ್ಪರಾ ದೆವಾ | ತುಜೆ ಕುರ್ಪೆನ್ | ಸರ್ವ್ ಮ್ಹಜ್ಯಾ ಪಾತ್ಕಾಂಚೆಂ ಭೊಗ್ಸಾಣೆಂ | ಆನಿಂ ಹ್ಯೆ ಜಿಣಿಯೆ ಉಪ್ರಾಂತ್ | ಸಾಸ್ಣಿಕ್ ಸುಖ್ ಜೊಡ್ತಲೊಂ/ಲಿಂ ಮ್ಹಣ್ | ಹಾಂವ್ ಭರ್ವಸ್ತಾಂ | ಕಿತ್ಯಾಕ್ ತುಂ ಸರ್ವ್ ಪದ್ವೆದಾರ್ | ವಿಶ್ವಾಸಿ, ದಯಾಳ್ ಆನಿಂ ಕಾಕುಳ್ದಾರ್ | ಆನಿಂ ತುವೆಂ ತೆಂ ಭಾಸಾಯ್ಲಾಂಯ್ | ಹ್ಯಾ ಭರ್ವಸ್ಯಾಂತ್ ಜಿಯೆಂವ್ಕ್ | ಆನಿಂ ಮರೊಂಕ್ | ಹಾಂವ್ ಖುಶಿ ವರ್ತಾಂ - ಆಮೆನ್.
ಮೊಗಾಚೆಂ ವಿಧಾನ್
ಸರ್ವೆಸ್ಪರಾ ದೆವಾ | ಸರ್ವ್ ವಸ್ತುಂ ಪ್ರಾಸ್ ಚಡ್ | ಹಾಂವ್ ತುಜೊ ಮೋಗ್ ಕರ್ತಾಂ | ಆನಿಂ ತುಜ್ಯೆ ಪಾಸತ್ | ಮ್ಹಜ್ಯಾ ಪೆಲ್ಯಾಚೊ ಹಾಂವ್ ಮೋಗ್ ಕರ್ತಾಂ | ಕಿತ್ಯಾಕ್ ತುಂ ವರ್ತೊ, ಅಪರಿಮಿತ್ ಆನಿಂ ಸರ್ವ್ ಬರೊ | ಆನಿಂ ಸರ್ವ್ ಮೋಗ್ ತುಕಾ ಫಾವೊ | ಹ್ಯಾ ಮೊಗಾಂತ್ ಜಿಯೆಂವ್ಕ್ | ಆನಿಂ ಮರೊಂಕ್ | ಹಾಂವ್ ಖುಶಿ ವರ್ತಾಂ – ಆಮೆನ್.
ದುಖಿಃಚೆಂ ವಿಧಾನ್
ಮ್ಹಜ್ಯಾ ದೆವಾ | ಸಗ್ಳ್ಯಾ ಮ್ಹಜ್ಯಾ ಕಾಳ್ಜಾನ್ | ಸರ್ವ್ ಮ್ಹಜ್ಯಾ ಪಾತ್ಕಾಂಚಿ, ಹಾಂವ್ ದೂಖ್ ಧರ್ತಾಂ | ಆನಿಂ ತಿಂ ಕಾಂಟಾಳ್ತಾಂ | ಕಿತ್ಯಾಕ್ ತಾಂಚೆ ವರ್ವಿಂ | ತುಜಿ ನಿತಿಚಿ ಶಿಕ್ಷಾ ಮ್ಹಾಕಾ ಫಾವೊ ಜಾಲಿ | ಪೂಣ್ ಚಡ್ ಕರುನ್ | ತುಕಾ ಭೋವ್ ಬರ್ಯಾ | ಆನಿಂ ಸರ್ವ್ ವಸ್ತುಂ ಪ್ರಾಸ್ ಚಡ್ | ಮೋಗ್ ಫಾವೊ ಜಾಲ್ಲ್ಯಾ ದೆವಾಕ್ | ಹಾಂವೆಂ ಅಕ್ಮಾನ್ ಕೆಲೊ | ದೆಕುನ್ ತುಜ್ಯೆ ಕುರ್ಪೆಚ್ಯಾ ಆಧಾರಾನ್ | ಆನಿಂ ಮುಕಾರ್ ಪಾತಾಕ್ ಕರಿನಾಂ ಮ್ಹಣ್ | ಆನಿಂ ಪಾತ್ಕಾಚೆ ಸಮಯೆ ಚುಕಯ್ತಲೊಂ/ಲಿಂ ಮ್ಹಣ್ | ಥಿರ್ ನಿಚೆವ್ ಕರ್ತಾಂ – ಆಮೆನ್.
ರಾಕಣ್ ಭಡ್ವ್ಯಾಕಡೆ ಮಾಗ್ಣೆಂ
ದೆವಾಗೆಲ್ಯಾ ಭಡ್ವ್ಯಾ, ಮ್ಹಜ್ಯಾ ರಾಕ್ಣ್ಯಾ | ಸರ್ಗಿಂಚೆ ದಯೆನ್ ಮ್ಹಾಕಾ ದಿಲಾ, ತುಜ್ಯೆ ತಾಬೆನ್ | ಮ್ಹಜಿ ಮತ್ ಉಜ್ವಾಡಾಯ್ | ಮ್ಹಾಕಾ ರಾಕ್, ಸಾಂಬಾಳ್ ಆನಿ ಚಲಯ್ | ಆಮೆನ್.
ಸರ್ಲ್ಲ್ಯಾ ಭಾವಾರ್ಥ್ಯಾಂ ಪಾಸತ್ ಮಾಗ್ಣೆ೦
ಸರ್ಲ್ಲ್ಯಾ ಭಾವಾರ್ಥಾಂಚೆಂ ಅತ್ಮೆ, ದೆವಾಚ್ಯೆ ಕಾಕುಳ್ತಿನ್, ಸಮಾಧಾನೆನ್ ತೆ ವಿಶೆವ್ ಘೆಂವ್ದಿತ್ | ಆಮೆನ್.
ಆವ್ಮರಿ
ಸೊಮಿಯಾಚಾ ಭಡ್ವ್ಯಾನ್ ಮರಿಯೆಕ್ ಬರಿ ಖಬರ್ ಹಾಡ್ಲಿ.
ಆನಿಂ ಪವಿತ್ರ್ ಅತ್ಮ್ಯಾ ವರ್ವಿಂ ತಿ ಗರ್ಭೆಸ್ತ್ ಜಾಲಿ.
ನಮಾನ್ ಮರಿಯೆ... - ಭಾಗೆವಂತಿ ಮರಿಯೆ...
ಅಬ್ಳೆ | ಸೊಮಿಯಾಚಿ ಚಾಕರ್ನ್
ತುಜ್ಯಾ ಸಬ್ದಾ ಪರ್ಮಾಣೆಂ | ಮ್ಹಜೆ ಥಂಯ್ ಜಾಂವ್.
ನಮಾನ್ ಮರಿಯೆ... - ಭಾಗೆವಂತಿ ಮರಿಯೆ...
ಆನಿಂ ದೆವಾಚೊ ಪೂತ್ ಮನಿಸ್ ಜಾಲೊ.
ಆನಿ ಆಮ್ಚ್ಯೆ ಮಧೆಂ ಜಿಯೆಲೊ.
ನಮಾನ್ ಮರಿಯೆ... - ಭಾಗೆವಂತಿ ಮರಿಯೆ...
ಭಾಗೆವಂತಿ ದೆವಾಚೆ ಮಾಯೆ | ಆಮಾಂ ಪಾಸತ್ ವಿನತಿ ಕರ್
ಕ್ರಿಸ್ತಾಚ್ಯಾ ಭಾಸಾವ್ಣ್ಯಾಂಕ್ ಆಮಿಂ ಫಾವೊ ಜಾಂವ್ಚೆ ಖಾತಿರ್.
ಪ್ರಾರ್ಥುಯಾಂ:
ಯೇ ಸೊಮಿಯಾ | ಭಡ್ವ್ಯಾನ್ ಬರಿ ಖಬರ್ ದಿಲ್ಲೆ ವರ್ವಿಂ | ತುಜ್ಯಾ ಪುತಾನ್, ಕ್ರಿಸ್ತಾನ್ | ಮನ್ಶಾಪಣ್ ಘೆತ್ಲ್ಲೆಂ ಆಮಿಂ ಜಾಣಾಂ ಜಾಲ್ಯಾಂವ್ | ತಾಚ್ಯಾ ಕಷ್ಟಾಂ ಆನಿ ಖುರ್ಸಾ ವರ್ವಿಂ | ಜಿವಂತ್ಪಣಾಚಾ ಆನಂದಾಕ್ ಆಮಿಂ ಪಾವಾಶೆಂ | ತುಜಿ ಕುರ್ಪಾ ಆಮ್ಚ್ಯಾ ಅಂತಸ್ಕರ್ನಾಂನಿ ವೋತ್ ಮ್ಹಣ್ | ಆಮಿಂ ಮಾಗ್ತಾಂವ್. ತ್ಯಾಚ್ ಕ್ರಿಸ್ತಾ ಆಮ್ಚ್ಯಾ ಸೊಮಿಯಾಂ ಮಾರಿಫಾತ್ | ಆಮೆನ್.
ಮಹಿಮಾ ಬಾಪಾಕ್ (3)
ಸರ್ಗಾಚೆ ರಾಣೆಯೆ
ಸರ್ಗಾಚೆ ರಾಣಿಯೆ, ಉಲ್ಲಾಸ್ ಪಾವ್, |
ಆಲ್ಲೆಲೂಯಾ
ಕಿತ್ಯಾಕ್ ಜಾಕಾ ತುಂ ವಾವಂವ್ಕ್ ಫಾವೊ ಜಾಲ್ಲಿಯ್, |
ಆಲ್ಲೆಲೂಯಾ
ತೊ ಆಪ್ಣೆಂ ಸಾಂಗ್ಲ್ಲೆಬರಿಂ ಜಿವಂತ್ ಜಾಲಾ, |
ಆಲ್ಲೆಲೂಯಾ
ಆಮಾಂ ಪಾಸತ್ ದೆವಾಲಾಗಿಂ ಮಾಗ್, |
ಆಲ್ಲೆಲೂಯಾ
ಸಂತೊಸ್ ಆನಿಂ ಉಲ್ಲಾಸ್ ಪಾವ್, | ಆಂಕ್ವಾರಿ ಮರಿಯೆ, |
ಆಲ್ಲೆಲೂಯಾ
ಕಿತ್ಯಾಕ್ ಸೊಮಿ ಖರೊಚ್ ಜಿವಂತ್ ಜಾಲಾ, |
ಆಲ್ಲೆಲೂಯಾ
ಪ್ರಾರ್ಥುಯಾಂ
ಏ ದೆವಾ | ತುಜ್ಯಾ ಪುತಾ ಆಮ್ಚಾ ಸೊಮಿಯಾ ಜೆಜು ಕ್ರಿಸ್ತಾಚ್ಯಾ ಜಿವಂತ್ಪಣಾ ವರ್ವಿಂ | ಸಂಸಾರ್ ಸಂತೊಸಾಂವ್ಕ್ ತುವೆಂ ದಯಾ ಕೆಲಿಯ್ | ತಾಚ್ಯೆ ಮಾಯೆ ಆಂಕ್ವಾರ್ ಮರಿಯೆ ಮಾರಿಫಾತ್ | ಸಾಸ್ಣಾಚೆ ಜಿಣಿಯೆಚೊ ಸಂತೊಸ್ | ಆಮ್ಕಾಂ ಲಾಭಾಸೊ ಕರ್ ಮ್ಹಣ್ ಆಮಿಂ ಮಾಗ್ತಾಂವ್ | ತ್ಯಾಚ್ ಕ್ರಿಸ್ತಾ ಅಮ್ಚ್ಯಾ ಸೊಮಿಯಾ ಮಾರಿಫಾತ್ | ಆಮೆನ್.
ಮಹಿಮಾ ಬಾಪಾಕ್(3)
ಪೊಂಪೈ ರೊಜಾರ್ ಸಾಯ್ಬಿಣಿಚೆಂ ನೊವೆನ್
ಪೊಂಪೈ ಮಾಯೆ ಆಮಾ ಪಾಸುನ್ ವಿನತಿ ಕರ್
ಏ ಪಾಪಾ ಖತಾವಿಣೆ ಜಲ್ಮಲ್ಲ್ಯೆ ಆಂಕ್ವಾರಿ, ಆನಿ ಪವಿತ್ರ್ ರೊಜಾರಿಚ್ಯೆ ರಾಣಿಯೆ, ಭಾವಾಡ್ತ್ ಅಸ್ಕತ್ ಜಾವ್ನ್, ಖೊಟೆಪಣ್ ಜಯ್ತೆವಂತ್ ಜಾಂವ್ಚಾ ಹ್ಯಾ ದಿಸಾಂನಿ, ಆದಿಂಮಾಗಾಂ ಅನ್ಫಾವಾಡ್ತಿ ಆಸ್ಲ್ಲ್ಯಾ ಪೊಂಪೈಚ್ಯಾ ಪುರ್ವಿಲ್ಯಾ ಗಾಂವಾಂತ್, ತುಂ ರಾಣಿ ಆನಿ ಆವಯ್ ಜಾವ್ನ್ ತುಜೊ ಪಾಟ್ ಬಾಂಧುಂಕ್ ತುಂವೆಂ ಖುಶಿ ವ್ಹೆಲ್ಯಾಯ್, ಬೊಂಬ್ಯಾಂಕ್ ಆನಿ ದೆಂವ್ಚಾರಾಂಕ್ ನಮಸ್ಕಾರ್ ಕರ್ನ್ ಆಯಿಲ್ಲ್ಯಾ ಜಾಗ್ಯಾ ಥಾವ್ನ್, ತುಂ ಆಜ್, ದೇವ್ - ಕುರ್ಪೆಚ್ಯೆ ಆವಯ್ಬರಿ ಸರ್ಗಿಂಚಿಂ ಕಾಕ್ಳುತಿಚಿಂ ಭಂಡಾರಾಂ ಸಂಸಾರಾರ್ ಚಾರಾಂಯಿ ಕುಶಿಂನಿ ಉದಾರ್ ಮನಾನ್ ವಾಂಟ್ತಾಯ್. ತುಂವೆಂ ಎದ್ಯೆ ವ್ಹಡ್ಲೆ ಕಾಕ್ಳುತಿನ್ ರಾಜ್ಜಟ್ ಚಲಂವ್ಚಾ ತ್ಯಾ ಪಾಟಾ ಥಾವ್ನ್ ಮೊಜೆರ್ಯಿ, ಏ ಆಂಕ್ಚಾರಿ ಮರಿಯೆ, ತುಜೆ ಕಾಕ್ಳುತಿಚೆ ದೊಳೆ ಪರ್ತಿ, ಆನಿ ತುಜಾ ಆಧಾರಾಚಾ ಎದ್ಯಾ ವ್ಹಡಾ ಗರ್ಜೆಂತ್ ಆಸ್ಚಾ ಮೊಜಿ ಕಾಕ್ಳುತ್ ಕರ್, ಕಿತ್ಲೆಶ್ಯಾ ಜಣಾಂಕ್ ತುಂ ಕಾಕ್ಳುತಿಚಿ ಮಾಯ್ ಜಾವ್ನ್ ಆಸಾಯ್ ಮ್ಹಣ್ ತುಂವೆಂ ದಾಕಯಿಲ್ಲೆಬರಿ ಮ್ಹಾಕಾಯಿ ದಾಕಯ್. ಆನಿ ಹಾಂವ್ ಸಗ್ಳ್ಯಾ ಮೊಜಾ ಕಾಳ್ಜಾನ್ ತುಕಾ, ಮೊಜಿ ಸಾಯ್ದಿಣ್ ಆನಿ ಪವಿತ್ರ್ ರೊಜಾರಿಚಿ ರಾಣಿ ಮ್ಹಣ್ ಪಾಚಾರ್ತಾಂ ಆನಿ ಉಲೊ ಮಾರ್ತಾಂ.
ನಮಾನ್ ರಾಣಿಯೆ, ಕಾಕ್ಳುತಿಚ್ಯೆ ಮಾಯೆ..... (ತುಕಾ ಜಾಯ್ ಜಾಲ್ಲೆ ಉಪ್ಕಾರ್ ಮಾಗ್)
ಉಗ್ಡಾಸ್ ಕರ್, ಏ ಭೋವ್ ದಯಾಳಿ ಆಂಕ್ಟಾರ್ ಮರಿಯೆ, ತುಜಾ ಆಸ್ರಾಕ್ ಧಾಂವ್ಲ್ಲೊ, ತುಜೊ ಆಧಾರ್ ಮಾಗ್ಲ್ಲೊ, ತುಜಿ ಮಧ್ಯಸ್ತಿ ಸೊಧ್ಲ್ಲೊ ಕೊಣ್ಚ್ ತುಜಿ ಕುಮಕ್ ಮೆಳಾನಾಸ್ತಾನಾ ಪಾಟಿಂ ಗೆಲೊ ಮ್ಹಣ್ ಕೆದಿಂಚ್, ಕೊಣೆಂಯಿ ಆಯ್ಕೊಂಕ್ ನಾ. ಹ್ಯೆ ಪಾತ್ಯೆಣೆನ್ ಧಯ್ರ್ ಕಾಣ್ಟೆವ್ನ್ ತುಜ್ಕೆ ಸರ್ಶಿಂ ಧಾಂವೊನ್ ಯೆತಾಂ. ಏ ಆಂಕ್ವಾರಿಂಚ್ಯೆ ಆಂಕ್ವಾರಿ, ಮೊಜ್ಯೆ ಮಾಯೆ, ತುಜ್ಯೆ ಸರ್ಶಿಂ ಯೆತಾಂ; ಪಾತ್ಕಿ ಆನಿ ಖಂತಿಷ್ಟ್ ತುಜ್ಯೆ ಮುಖಾರ್ ರಾವ್ತಾಂ; ಮನಿಸ್ ಜಾಲ್ಲ್ಯಾ ದೇವ್-ಪುತಾಚ್ಯೆ ಆನಿ ಮೊಜೆಯಿ ಮಾಯೆ, ಮೊಜಿಂ ಮಾಗ್ಣಿಂ ತಿರಸ್ಕಾರ್ ಕರಿನಾಕಾ. ಪುಣ್ ತುಜ್ಯೆ ಕಾಕ್ಳುತಿನ್ ಮೊಜೆಂ ಮಾಗ್ಣೆಂ ಆಯ್ಕ್ ಆನಿ ಹಾಂವ್ ಮಾಗ್ತಾಂ ತೆಂ ಮ್ಹಾಕಾ ದಿ. ಆಮೆನ್.
ಯಾ : ಬೋವ್ ಪವಿತ್ರ್ ರೊಜಾರಿಚ್ಯೆ ರಾಣಿಯೆ, ಆಮಾ ಪಾಸುನ್ ವಿನತಿ ಕರ್.
ಲೊ: ಕ್ರಿಸ್ತಾಚಾ ಭಾಸಾವ್ಣ್ಯಾಂಕ್ ಆಮಿ ಫಾವೊ ಜಾಂವ್ಚೆ ಖಾತಿರ್.
ಪ್ರಾರ್ಥುಯಾಂ : ಏ ದೆವಾ, ತುಜಾ ಎಕ್ಲ್ಯಾಚ್ ಪುತಾನ್ ಆಪ್ಲ್ಯಾ ಜಿಣಿಯೆ, ಮೊರ್ನಾ ಆನಿ ಜಿವಂತ್ಪಣಾ ವರ್ವಿಂ ಸಾಸ್ಣಾಚ್ಯೆ ಬಚಾವೆಚೆಂ ಇನಾಮ್ ಆಮ್ಕಾಂ ಜೊಡ್ನ್ ದವರ್ಲಾಂ; ಭಾಗೆವಂತ್ ಆಂಕ್ಟಾರ್ ಮರಿಯೆಚಾ ಬೋವ್ ಪವಿತ್ರ್ ರೊಜಾರಿಚೆ ಮಿಸ್ತೆರ್ ಆಮಿ ನಿಯಾಳ್ತಾನಾ, ತಾಂತುಂ ಭಾಸಾಯಿಲ್ಲೆಂ ಆಮಿ ಜೊಡಿಶೆಂ ಕರ್ ಮ್ಹಣ್ ಆಮಿ ತುಜೆಲಾಗಿಂ ಪರಾತ್ತಾಂವ್. ತ್ಯಾಚ್ ಕ್ರಿಸ್ತಾ ಆಮ್ಚಾ ಸೊಮಿಯಾ ಮಾರಿಫಾತ್. ಆಮೆನ್.
ಕೀರ್ತನಾ
ಕೀರ್ತನ್ 91
1 ಜೊ ಮನಿಸ್ ಪರಮೋನ್ನತ್ ದೆವಾಚ್ಯಾ ಆಸ್ರ್ಯಾಂತ್ ರಾವ್ತಾ, ಆನಿ ಸರ್ವ್ ಪದ್ವೆದಾರಾಚೆ ಸಾವ್ಳೆಂತ್ ವಸ್ತಿ ಕರ್ತಾ,
2 ತೊ ಸರ್ವೆಸ್ಪರಾಕ್ ಮ್ಹಣ್ತಾ: “ತುಂ ಮ್ಹಜೊ ಆಸ್ರೊ ಆನಿ ಮ್ಹಜೆಂ ಕೊಟೆಂ, ತುಂ ಮ್ಹಜೊ ದೇವ್, ತುಜೆರ್ ದವರ್ತಾಂ ಮ್ಹಜೊ ವಿಶ್ವಾಸ್.
3 ತೊ ತುಕಾ ನಿವಾರ್ತಲೊ ಶಿಕಾರ್ಯಾಚ್ಯಾ ಪಾಸಾಂತ್ಲೊ ಆನಿ ಮರ್ಣಾಂತಿಕ್ ಪಿಡೆಂತ್ಲೊ.
4 ಆಪ್ಲ್ಯಾ ಪಾಕಾಂನಿ ತೊ ತುಕಾ ಧಾಂಪ್ತಲೊ, ತಾಚ್ಯಾ ಪಾಕಾಟ್ಯಾಂ ಪಂದಾ ತುಕಾ ಆಸ್ರೊ ಮೆಳ್ತಲೊ. ಢಾಲ್ ಆನಿ ಕವಚ್ ತಾಚೆಂ ವಿಶ್ವಾಸಿಪಣ್.
5 ರಾತ್ಚ್ಯಾ ಆಕಾಂತಾಂಚಿ, ದಿಸಾ ವೆಳಾರ್ ಉಬ್ತಲ್ಯಾ ಬಾಣಾಚಿ ಕಸಲಿಚ್ ಭಿರಾಂತ್ ತುಕಾ ಆಸ್ಚಿ ನಾ.
6 ಕಾಳೊಕಾಂತ್ ಭೊಂವ್ತಲೆ ಮಾರಿಚೆ ಪಿಡೆಕ್, ದೊನ್ಪಾರ್ಚೆಂ ನಾಸ್ ಕರ್ತಲ್ಯಾ ಖರ್ಗಾಕ್ ತುಂ ಭಿಯೆಂವ್ಚೊ ನಾಂಯ್.
7 ತುಜೆ ಕುಶಿಕ್ ಹಜಾರ್ ಜಣ್ ಮರುನ್ ಪಡ್ತಿತ್ ಆನಿ ತುಜ್ಯಾ ಉಜ್ವ್ಯಾಕ್ ಧಾ ಹಜಾರ್, ತರೀ ತುಜೆ ಸರ್ಶಿಂ ಕಸಲೆಂಚ್ ವಾಯ್ಟ್ ಪಾಂವ್ಚೆಂ ನಾ.
8 ಖರೆಂಚ್, ತುಂ ತುಜ್ಯಾಚ್ ದೊಳ್ಯಾಂನಿ ಪಳೆತಲೊಯ್ ಆನಿ ನಷ್ಟ್ಯಾಂಕ್ ಕಸಲಿ ಮಜುರಿ ಫಾವೊ ಜಾತಾ ಮ್ಹಣ್ ದೆಕ್ತಲೊಯ್.
9 ಕಿತ್ಯಾಕ್ ಸರ್ವೆಸ್ಪರ್ ತುಜೊ ಆಸ್ರೊ, ಪರಮೋನ್ನತ್ ದೆವಾಕ್ ತುವೆಂ ತುಜೆಂ ಕೊಟೆಂ ಕರುನ್ ಘೆತ್ಲಾಯ್.
10 ಕಸಲೆಂಚ್ ವಾಯ್ಟ್ ತುಜೆರ್ ಯೆಂವ್ಚೆಂ ನಾ, ಮಾರಿಚಿ ಪಿಡಾ ತುಜ್ಯಾ ತಂಬಾ ಸರ್ಶಿಂ ಪಾಂವ್ಚಿ ನಾ;
11 ತುಜ್ಯಾ ಸಗ್ಳ್ಯಾ ವಾಟಾಂನಿ ತುಕಾ ರಾಕ್ಚ್ಯಾಕ್ ಆಪ್ಲ್ಯಾ ದುತಾಂಕ್ ತಾಣೆಂ ಆಜ್ಞಾ ದಿಲ್ಯಾ.
12 ಫಾತ್ರಾಕ್ ತುಜೊ ಪಾಂಯ್ ಆದಳ್ನಾ ಜಾಂವ್ಚ್ಯಾಕ್ ಆಪ್ಲ್ಯಾ ಹಾತಾಂನಿ ತೆ ತುಕಾ ಸಾಂಬಾಳುನ್ ಧರ್ತಲೆ.
13 ಶಿಂವಾಚೆರ್ ಆನಿ ಸೊರ್ಪಾಚೆರ್ ತುಂ ಚಲ್ತಲೊಯ್, ತರುಣ್ ಶಿಂವಾಕ್ ಆನಿ ನಾಗಾಕ್ ಮಸ್ತಿತಲೊಯ್.
14 “ತೊ ಮ್ಹಜೊ ಮೋಗ್ ಕರ್ತಾ ದೆಕುನ್ ಹಾಂವ್ ತಾಕಾ ನಿವಾರ್ತಲೊಂ, ಮ್ಹಜೆಂ ನಾಂವ್ ತೊ ಒಳ್ಕತಾ ದೆಕುನ್ ಹಾಂವ್ ತಾಕಾ ರಾಕ್ತಲೊಂ.
15 ತೊ ಮ್ಹಾಕಾ ಉಲೊ ಮಾರ್ತಾನಾ ಹಾಂವ್ ತಾಕಾ ಜಾಪ್ ದಿತಾಂ, ಆಕಾಂತಾಂತ್ ಹಾಂವ್ ತಾಚೆ ಲಾಗಿಂ ಆಸಾಂ, ತಾಕಾ ನಿವಾರ್ತಾಂ ಆನಿ ತಾಕಾ ಸನ್ಮಾನ್ ಕರ್ತಾಂ.
16 ಲಾಂಬ್ ಆವ್ಕ್ ದಿವ್ನ್ ತಾಕಾ ಧಾದೊಶಿ ಕರ್ತಾಂ, ಮ್ಹಜೆಂ ತಾರಣ್ ಪಳೆಂವ್ಕ್ ತಾಕಾ ಫಾವೊ ಕರ್ತಾಂ.
ಪಾಪಾಚೊ ಮಹಿನ್ಯಾಳೊ ಇರಾದೊ
ಜುಲಾಯ್ ಮ್ಹಯ್ನ್ಯಾಕ್ ಪಾಪಾಚೊ ಇರಾದೊ
ಸಮ್ಜಣಿಂತ್ ವಾಡೊಂಕ್:
ಆಮಿ ರ್ಯಾ ವಾಯ್ಟಾಚಿ ಸಮ್ಜಣಿ ಜೊಡುನ್, ಜಿವಿತಾಕ್ ವ್ರ್ಚಿ ವಾಟ್ ಸೊಧುಂಕ್ ಆನಿ ಕ್ರಿಸ್ತಾ ಥಾವ್ನ್ ತಶೆಂಚ್ ವಾಂಜೆಲಾ ಥಾವ್ನ್ ಆಮ್ಕಾಂ ಪಯ್ಸ್ ರ್ಚೆಂ ಸಗ್ಳೆಂಯ್ ನಿರಾಕರುಂಕ್ ಮಾಗ್ಯಾಂ.
ಜುಬ್ಲೆವ್ 2025

