ದೆವಾಚ್ಯಾ ಉತ್ರಾಚೊ ಆಯ್ತಾರ್ ಆಚರಣ್ - 2025

ಜನೆರ್ ಮಹಿನ್ಯಾಚಾ 26 ತಾರಿಕೆರ್ ಆಯ್ತಾರಾ ಸಕಾಳಿಂ ಮಿಸಾ ವೆಳಾರ್ ಪವಿತ್ರ್ ಪುಸ್ತಕ್ ಆಪಸ್ತಾಲಾದಿಚೊ ಆಯೋಗಾಚಾ ಸಹಾಯೋಗಾನ್ "ತುಜ್ಯಾ ಉತ್ರಾಚೆರ್ ಹಾಂವ್ ಭರ್ವಸ್ತಾಂ" (ಕೀ 119: 74) ಮ್ಹಳ್ಳ್ಯಾ ಧ್ಯೇಯಾಖಾಲ್ ದೆವಾಚ್ಯಾ ಉತ್ರಾಚೊ ಆಯ್ತಾರ್ ಆಚರಣ್ ಕೆಲೊ. ಮಿಸಾಚಾ ಸುರ್ವೆರ್ ಪುರ್ಶಾಂವಾರ್ ಫಿರ್ಗಜ್ ವಿಗಾರ್ ಭೊ| ಮಾ| ಬಾಪ್ ರುಡೋಲ್ಫ್ ರವಿ ಡೆಸಾ ಬಾಪಾಂನಿ ಪವಿತ್ರ್ ಪುಸ್ತಕ್ ಮಾನಾನ್ ಆನಿ ದಿಯೊಕಾನ್ ಬಾಪ್ ವಿಕಾಸ್ ಪಿರೇರಾ ಫುಲಾಂಚೊ ಝೆಲೊ, ಫಿರ್ಗಜ್ ಗೊವ್ಳಿಕ್ ಪರಿಷಧ್ ಉಪಾಧ್ಯಕ್ಷ್ ಮಾನೇಸ್ತ್ ರೋಮಾನ್ಸ್ ಲೋಬೊ, ಕಾರ್ಯದರ್ಶಿ ಮಾನೇಸ್ತ್ ಜೊನ್ಸನ್ ಲೋಬೊ ಫುಲಾಂಚಿ ವಾಜಾಂ, ಆಯೋಗ್ ಸಂಚಾಲಕಿ ಮಾನೆಸ್ತೀನ್ ಲಿನೆಟ್ ಮೊಂತೆರೊ ಆನಿ ಕಾರ್ಯದರ್ಶಿ ಶ್ರೀಮಾನ್ ಹೆನ್ರಿ ಸಿಕ್ವೇರಾ ಹಾಣಿಂ ಫೆಟಯಿಲ್ಲ್ಯೊ ವಾತಿಂ ಆನಿ ಪೊಂಪೈ ಕೊವೆಂತ್ ಸುಪೀರಿಯರ್ ಸಿ.ಜಯಾ ಆನಿ ರೋಸಾ ಮಿಸ್ತಿಕಾ ಕೊಂವೆತ್ ಸುಪೀರಿಯರ್ ಸಿ.ಲೀನಾ ಪಿರೇರಾ ಆನಿ ಆಯೋಗ್ ಸಂಯೋಜಕಿ ಶ್ರೀಮತಿ ಹಿಲ್ಡಾ ಮಿನೇಜಸ್ ಆನಿ ಸಾಂದ್ಯಾನಿ ಫುಲಾಂ ಘೆವ್ನ್ ಪುರ್ಶಾಂವಾರ್ ಯೇವ್ನ್ ವಿಗಾರ್ ಬಾಪಾಂನಿ ಪವಿತ್ರ್ ಪುಸ್ತಾಕ್ ಮಾನಾಂಚಾ ಜಾಗ್ಯಾರ್ ದವರ್ನ್ ಮಾನ್ ಕೆಲೊ. ಉಪ್ರಾಂತ್ ಪುರ್ಶಾಂವಾರ್ ಆಯಿಲ್ಲ್ಯಾ ಸರ್ವಾಂನಿ ಪವಿತ್ರ್ ಪುಸ್ತಕಾಕ್ ಮಾನ್ ಕೆಲೊ. ಉಪ್ರಾಂತ್ ಫಿರ್ಗಜ್ ವಿಗಾರ್ ಬಾಪಾಂನಿ ಪವಿತ್ರ್ ಮಿಸಾಚೆ ಬಲಿದಾನ್ ಭೆಟಯ್ಲೆಂ. ದಿಯೊಕಾನ್ ಬಾಪಾಂನಿ ಭೋವ್ ಅಪುರ್ಬಾಯೆನ್ ದೆವಾಚ್ಯಾ ಉತಾರ್ ಮ್ಹಳ್ಯಾರ್ ಕಿತೆಂ, ದೆವಾಚೆ ಉತರ್ ಆಮ್ಚ್ಯಾ ಜಿವಿತಾಂತ್ ಆಸಾ ವಾ ನಾಂ ಮ್ಹಳ್ಳ್ಯಾ ವಿಶ್ಯಾಂತ್, ಆನಿ ದೆವಾಚೆ ಉತರ್ ಆಮ್ಚ್ಯಾ ಜಿವಿತಾಂತ್ ಆಮಿಂ ಮ್ಹಣ್ಚ್ಯಾ ಮಾಗ್ಣ್ಯಾಂತ್ ಆನಿ ಭೆಟಂವ್ಚ್ಯಾ ಮಿಸಾಚಾ ಬಲಿದಾನಾಂತ್ ಭೆಟವ್ಚಿಂ ಸರ್ವ್ ಮಾಗ್ಣಿಂ ಪವಿತ್ರ್ ಪುಸ್ತಕಾಚಿಂ ಉತ್ರಾಂ ಜಾವ್ನಾಸಾತ್, ಆನಿ ಪವಿತ್ರ್ ಪುಸ್ತಕಾಚಿಂ ಉತ್ರಾಂ ಆಮ್ಕಾಂ ಕಾಯ್ಬೆವಾಚಾ ತೇಲಾ ಪರಿಂ ಘಾಯ್ ಗೂಣ್ಕರ್ತಾ ಆನಿ ಸೈತಾನಾಚಾ ಭುಲವ್ಣೆಂ ಥಾವ್ನ್ ಪಯ್ಸ್ ರಾಂವೊಕ್ ಬಳ್ ದಿತಾ, ಇಂಧಾನ್ ಮುಗ್ದೊಲ್ಯಾರ್ ವಾಹನ್ ಮುಕಾರ್ ವೊಚೊಂವ್ಕ್ ಸಾಧ್ಯ್ ನಾಂ, ತಸೆಂಚ್ ದೆವಾಚೆ ಉತರ್ ಆಮ್ಚ್ಯಾ ಜಿವಿತಾಂತ್ ನಾಂತರ್ ಆಮ್ಚೆಂ ಜಿವಿತ್ ಮುಕಾರ್ ವರುಂಕ್ ಸಾಧ್ಯ್ ನಾಂ ಮ್ಹಳ್ಳ್ಯಾ ವಿಶ್ಯಾಂತ್ ಭೋವ್ ಅರ್ಥಾಭರಿತ್ ರಿತಿನ್ ಪ್ರವಚನ್ ದೀವ್ನ್ ಆಜ್ ಥಾವ್ನ್ ಆಮಿಂ ದಿಸ್ಪಡ್ತೆಂ ಪವಿತ್ರ್ ಪುಸ್ತಕ್ ವಾಚ್ತಾಂವ್ ಮ್ಹಣ್ ನಿಚೆವ್ ಘೆವ್ನ್ ಆಮ್ಚ್ಯಾ ಜಿವಿತಾಂತ್ ಪವಿತ್ರ್ ಪುಸ್ತಕಾಕ್ ಪಯ್ಲೊಂ ಜಾಗೊ ದೀಜೈ ಮ್ಹಣ್ ಉಲೊ ದಿಲೊ.
ಪವಿತ್ರ್ ಪುಸ್ತಕ್ ಆಪಸ್ತಾಲಾದಿಚೊ ಆಯೋಗ್ ಸಾಂದೊ ಶ್ರೀಮತಿ ಐರಿನ್ ಲೋಬೊ ಹಾಣಿಂ ದೆವಾಚ್ಯಾ ಉತ್ರಾಚಾ ಆಯ್ತಾರಾ ವಿಶ್ಯಾಂತ್ ಪ್ರಸ್ತಾವಾನ್ ವಾಚುನ್ ಸಾಂಗ್ಲೆ. ವಿಗಾರ್ ಬಾಪಾಂನಿ ದೆವಾಚ್ಯಾ ಉತ್ರಾಚೊ ಆಯ್ತಾರಾಚಿಂ ಮಾಂಡಾವಳ್ ಘಾಲುಂಕ್ ಕುಮೊಕ್ ಕೆಲ್ಲ್ಯಾ ಸರ್ವಾಂಚೊ ಉಪ್ಕಾರ್ ಭಾವುಡ್ಲೊ. ಮೀಸಾ ಉಪ್ರಾಂತ್
ಪವಿತ್ರ್ ಪುಸ್ತಕ್ ಆಪಸ್ತಾಲಾದಿಚ್ಯಾ ಆಯೋಗಾನ್ ಮಾಂಡುನ್ ಹಾಡ್ಲ್ಯಾ online ಬೈಬಲ್ ಕ್ವಿಜ್ ಸ್ಪರ್ಧ್ಯಾಂತ್ಲ್ಯಾ ವಿಜೇತಾಂಕ್ ವಿಗಾರ್ ಬಾಪಾಂನಿ, ಫಿ.ಗೊ.ಪ ಉಪಾಧ್ಯಕ್ಷ್, ಕಾರ್ಯದರ್ಶಿ, ಆಯೋಗ್ ಸಂಯೋಜಕಿ, ಸಂಚಾಲಕಿ ಹಾಣಿಂ "Spin The Wheel" ಮುಕಾಂತ್ರ್ ವಿಂಚುನ್ ಕಾಡ್ಲಿಂ.
ಆಯಿಲ್ಲ್ಯೊ ಜಾಪಿ : 159
ಸಾರ್ಕ್ಯೊ ಜಾಪಿ : 47
ಬಹುಮಾನಾಂ ಲಾಭ್ಲೆಲಾಂಚಿ ನಾಂವಾ ಹ್ಯಾ ಪರಿಂ ಆಸಾತ್:
ಪಯ್ಲೆಂ : ಜ್ಯೋತಿ ಡಿಸೋಜ, ಅಡ್ಡೂರ್
ರ್ದುಸ್ರೆಂ : ಎಲ್ವೀನಾ ಮೊರಾಸ್, ಕಂದಾರ್ ಎ
ತಿಸ್ರೆಂ : ಜೋನ್ ಡಿಸೋಜ, ಅಡ್ಡೂರ್
ಭುಜವ್ಣೆಚಿಂ ಇನಾಮಾಂ ಹ್ಯಾ ಪರಿಂ ಆಸಾತ್:
1. ವಿನ್ಸೆಂಟ್ ಪಿಂಟೊ, ಇಗರ್ಜೆ ವಾಡೊ
2. ಸೋನಿಯಾ ಡಿಸೋಜ, ಇಗರ್ಜೆ ವಾಡೊ
3. ಗ್ರೆಟ್ಟಾ ನಜರೆತ್, ಪೊಂಪೈ ಎ
4. ಫೆಡ್ರಿಕ್ ಡಿಸೋಜ, ಅಡ್ಡೂರ್
5. ರಿಶೋನ್ ನೊರೊನ್ಹಾ, ಕಂದಾರ್ ಎ
ಸಗ್ಳಿ ಜವಾಬ್ದಾರಿ ಆಯೋಗ್ ಸಂಯೋಜಕಿ, ಸಂಚಾಲಾಕ್, ಕಾರ್ಯದರ್ಶಿನ್ ಆನಿ ಸಾಂದ್ಯಾನಿ ಭೋವ್ ಅಪುರ್ಬಾಯೆನ್ ಕೆಲಿ.
ಬಹುಮಾನ್ ಪ್ರಾಯೋಜಕ್ ಜಾವ್ನ್ ಆಯೋಗಾಚಾ ಸಾಂದ್ಯಾನಿ ಆನಿ ಫುಲಾಂಚಿ ವಾಜಾಂ ಆನಿ ಝೆಲೊ, ಆನಿ ಫುಲಾಂ ಆಯೋಗ್ ಸಂಚಾಲಕಿ ಶ್ರೀಮತಿ ಲಿನೆಟ್ ಮೊಂತೇರೊನ್ ಪ್ರಾಯೋಜಕ್ ಜಾವ್ನ್ ಸಹಕಾರ್ ದಿಲೊ. ಸರ್ವಾಂಚಾ ಸಹಾಕಾರನ್ ದೆವಾಚ್ಯಾ ಉತ್ರಾಚೊ ಆಯ್ತಾರ್ ಭೋವ್ ಅರ್ಥಾಭರಿತ್ ರಿತಿನ್ ಆಚರಣ್ ಕೆಲೊ. ಲಗ್ಬಗ್ 600 ಫಿರ್ಗಜ್'ಗಾರಾಂ ಹಾಜರ್ ಆಸ್ಲ್ಲಿಂ. ಸಾಮಾಜಿಕ್ ಸಂವಹನ್ ಆಪಸ್ತಾಲಾದಿಚೊ ಆಯೋಗ್ ಸಾಂದೊ ದೀಪಕ್ ಡಿಸೋಜ ಹಾಣಿಂ ತಸ್ವಿರ್ ಕಾಡ್ನ್ ಸಹಕರ್ಸಿಲೆಂ.